ଫୁଲକେଶ୍ୱରପଲ୍ଲୀରେ ଅଗ୍ନିକାଣ୍ଡ ଘାଟି ଜଳି ଗଲା ଦୁଇ ଏକର ଆଖୁ ବାଡ଼, କାରଣ ଅସ୍ପଷ୍ଟ

ଆସିକା (ନିରପେକ୍ଷ): ଗଞ୍ଜାମ ଜିଲ୍ଲା ଆସିକା ବ୍ଲକ ଚଢ଼ିଆପଲ୍ଲୀ ପଞ୍ଚାୟତ ଅନ୍ତର୍ଗତ ଫୁଲସରପଲ୍ଲୀ ଗ୍ରାମରେ ଅଗ୍ନିକାଣ୍ଡରେ ଜଳିଗଲା ଦୁଇ ଏକର ଆଖୁ ବାଡ଼ l ଅଗ୍ନିକାଣ୍ଡରେ ବରଜ ପ୍ରଧାନ ଓ ପ୍ରକାଶ ଦାଶ ନାମକ ଦୁଇ ଚାଷୀଙ୍କ ଏକ ଏକର ଲେଖାଏଁ ଆଖୁ ଚାଷ ପୋଡି ନଷ୍ଟ ହୋଇଥିବା ସୂଚନା ମିଳିଛି l

ଆଜି ଅପରାହ୍ନ ସମୟରେ ଉଭୟଙ୍କ ଆଖୁ ବାଡ଼ରେ ଅଗ୍ନିକାଣ୍ଡ ହୋଇଥିବା ଦେଖି ଗ୍ରାମବାସୀ ଅଗ୍ନିଶମ ବାହିନୀଙ୍କୁ ଖବର ଦେଇଥିଲେ l ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ବେଳେକୁ ଆଖୁ ବାଡ଼ ସମ୍ପୂର୍ଣ ପୋଡି ନଷ୍ଟ ହୋଇଯାଇଥିଲା l ତେବେ ଧାର କରଜ କରି ଏହି ଆଖୁ ଚାଷ କରିଥିବା ଦୁଇ ଚାଷୀ କିଛି ଦିନ ପରେ ବିକ୍ରିକରି ଦୁଇ ପଇସା ଲାଭବାନ ହେବାର ଲକ୍ଷ ରଖିଥିବା ବେଳେ ଆଜି ତାହା ପୋଡି ନଷ୍ଟ ହୋଇଯାଇଛି l କିଭଳି ଧାର ଟଙ୍କା ସୁଝିବେ ତାହାକୁ ନେଇ ଉଭୟ ଚାଷୀ ଚିନ୍ତାରେ ପଡ଼ିଥିବା ବେଳେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି l