Home Breaking News ଭୀମଭୋଇ ଭିନ୍ନକ୍ଷମ ସାର୍ମଥ୍ୟ ଶିଵିର

ଭୀମଭୋଇ ଭିନ୍ନକ୍ଷମ ସାର୍ମଥ୍ୟ ଶିଵିର

by Admin
0 comment

ଚମ୍ପୁଆ(ନିରପେକ୍ଷ): ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଆନୁକୂଲ୍ୟରେ କେନ୍ଦୁଝର ଜିଲ୍ଲା ଚମ୍ପୁଆ ବ୍ଲକ ପରିସରରେ ଆଜି ଭୀମଭୋଇ ଭିନ୍ନକ୍ଷମ ସାର୍ମଥ୍ୟ ଅଭିଯାନ ଶିବିର ଅନୁଷ୍ଠିତ ହୋଇଯାଇଛି। ବ୍ଲକ ଚେୟାରମେନ ସୁରେଶ ଚନ୍ଦ୍ର ନାୟକ ମୁଖ୍ୟ ଅତିଥି ଭାବେ ଯୋଗଦେଇ ଏ ଶିଵିରକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଏଵିଡିଓ ଚିନୁ ହାଁସଦାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ପଞ୍ଚାୟତ ଅଧିକାରୀ ଅନୀଲ ମହାନ୍ତ,ବ୍ଲକ ସାମାଜିକ ସୁରକ୍ଷା ଅଧିକାରୀ ଶ୍ରାବଣୀ ଜେନା, ସହକାରୀ ଶିବାନୀ ମାରାଣ୍ଡି, ପ୍ରକଳ୍ପ ଅଧିକାରୀ ଦୀପଙ୍କର ଦାଶ ପ୍ରମୁଖ ଯୋଗ ଦେଇଥିଲେ ।ଆଇପିଡଵ୍ଲୁଡି ଅନ୍ତର୍ଭୁକ୍ତ ୨୫ଗୋଟି ଭିନ୍ନକ୍ଷମ ଵାଧିତ ମଧ୍ୟରୁ ମୁଖ୍ୟତଃ ଦୃଷ୍ଟି ଵାଧିତ, ଶ୍ରବଣ ଵାଧିତ, ଚଳନଶକ୍ତି ଵାଧିତ ଏବଂ ମାନସିକ ଅନଗ୍ରସର ଭିନ୍ନକ୍ଷମ ୩୨୨ ଜଣଙ୍କୁ ଚିହ୍ନଟ କରାଯାଇଥିଲା।

ଚିହ୍ନଟ ପରେ ପୂର୍ବରୁ ଅଫଲାଇନରେ ଥିବା ଭିନ୍ନକ୍ଷମ ଏବଂ ନୂତନ ଚିହ୍ନଟ ଭିନ୍ନକ୍ଷମ ମାନେ ଅନଲାଇନରେ ଆବେଦନ କରି ସେମାନଙ୍କର ପ୍ରମାଣପତ୍ର ପାଇପାରିବେ । ଚିହ୍ନଟ ଭିନ୍ନକ୍ଷମ ମାନଙ୍କୁ ବିଭିନ୍ନ ସରକାରୀ ସହାୟତା ପ୍ରଦାନ କରାଯିବା ସହ ଭତ୍ତା,ଯାତାୟତ ପାଇଁ ବସ ପାସ ଏବଂ ବ୍ୟାଙ୍କରୁ ଋଣ ପାଇବା ନେଇ ବ୍ୟବସ୍ଥା କରାଯାଇଛି। ମୋଟ ପଂଜିକୃତ ୩୨୨ ଭିନ୍ନକ୍ଷମଙ୍କ ମଧ୍ୟରୁ ଅସ୍ଥିଶଲ୍ୟ ଵାଧିତ ୨୧୦ ଜଣ, ଚକ୍ଷୁ ଵାଧିତ୨୧ଜଣ,ମାନସିକ ଅନଗ୍ରସର ୩୩ଜଣ, ଏବଂ ଶ୍ରବଣ ଵାଧିତ ୫୮ ଜଣ ଚିହ୍ନଟ ହୋଇଥିଲେ । କେନ୍ଦୁଝର ଓ ଚମ୍ପୁଆ
ଡାକ୍ତରଖାନାର ଵିଭିନ୍ନ ଚିକିତ୍ସା ବିଶେଷଜ୍ଞ ଡାକ୍ତର ଏହି ଭିନ୍ନକ୍ଷମ ମାନଙ୍କୁ ଚିହ୍ନଟ କରିଥିଲେ । ଅସ୍ଥିଶଲ୍ୟ ଓ ଚକ୍ଷୁ ଵାଧିତ ଭିନ୍ନକ୍ଷମ ମାନଙ୍କୁ ପରବର୍ତ୍ତୀ ସମୟରେ ଟ୍ରାଇ ସାଇକେଲ ଏବଂ ହ୍ଵିଲ ଚେୟାର ପ୍ରଦାନ କରାଯିବ ବୋଲି ଏଵିଡିଓ ସୂଚନା ଦେଇଥିଲେ ।ଏହି ଭିନ୍ନକ୍ଷମ ଅଭିଯାନ ଶିବିରରେ ସମସ୍ତ ସରପଞ୍ଚ,ବ୍ଲକର ସମସ୍ତ କର୍ମଚାରୀ ଏବଂ ଗୋଷ୍ଠୀ ସମ୍ବଳ ଶିକ୍ଷକ ସରୋଜ ଦାଶ ପ୍ରମୁଖ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ ।

You may also like

Latest News

Our Company

The fastest growing digital media company in Odisha is Nirapekshya News, which satisfies the growing demand from people who are constantly on the move for the most recent news from Odisha as well as vital domestic and worldwide information.

@2022 – All Right Reserved. Designed and Developed by Digital Software Inc