ଖରମୁଣ୍ଡା ପଞ୍ଚାୟତ କାର୍ଯ୍ୟାଳୟରେ ଆମ ସଂକଳ୍ପ ବିକଶିତ ଭାରତ କାର୍ଯ୍ୟକ୍ରମ ଅନୁଷ୍ଠିତ, ଯୋଗଦେଲେ ସାଂସଦ

ବରଗଡ (ନିରପେକ୍ଷ): ବୁଧବାର ପୂର୍ବାହ୍ନ ସମୟରେ ବରଗଡ ଜିଲ୍ଲା ଅତାବିରା ବ୍ଲକ ଅଧିନ ଖରମୁଣ୍ଡା ପଞ୍ଚାୟତ କାର୍ଯ୍ୟାଳୟରେ ସରପଞ୍ଚ କଳାସାହେବ ଭୋଇଙ୍କ ସଭାପତିତ୍ବରେ ଆମ ସଂକଳ୍ପ ବିକଶିତ ଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି |

ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବରଗଡ ସାଂସଦ ସୁରେଶ ପୂଜାରୀ, ସମ୍ମାନୀତ ଅତିଥି ଭାବେ ଅତାବିରା ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଗିରିନ୍ଦ୍ର ସାହୁ, ଜିଲ୍ଲା ବିଜେପି ସାଧାରଣ ସଂପାଦକ କୁଶ କୁମ୍ଭାର, ରାଜ୍ୟ ଏସି ମୋର୍ଚ୍ଚା ଉପସଭାପତି ରଞ୍ଜନ ସେଟ, ବରିଷ୍ଠ ବିଜେପି ନେତା ଉର୍କୁଲୁ ତାଣ୍ଡି, ଚିତ୍ତରଞ୍ଜନ ଭୋଇ, ଓ୍ବାଡମେମ୍ବର ଜଗଦୀଶ ସେଟ, ପଞ୍ଚାୟତର ସମସ୍ତ ଆଶା କର୍ମୀ, ଅଙ୍ଗନବାଡି କର୍ମୀ, ମହିଲା ସ୍ୱୟଂ ସହାୟକ ଗୋଷ୍ଠୀର ସଦସ୍ଯାମାନେ ଯୋଗଦାନ କରିଥିଲେ | କେନ୍ଦ୍ର ସରକାରଙ୍କ ବିଭିନ୍ନ ଜନହିତକାରୀ ଯୋଜନା ସମ୍ପର୍କରେ ଉପସ୍ଥିତ ଜନସାଧାରଣଙ୍କୁ ବୁଝାଇଥିଲେ |