୨୦୨୪ ପାଇଁ ଉଷ୍ମ ହେଲାଣି ବ୍ରହ୍ମଗିରି

ବ୍ରହ୍ମଗିରି (ନିରପେକ୍ଷ): ବ୍ରହ୍ମଗିରିରେ ଏଥର ଉପାସନା ! ବ୍ରହ୍ମଗିରିରେ ବାଜି ମାରିବେ ଉପାସନା ! ପୁଣି ବ୍ରହ୍ମଗିରି ଦେଖିବ ମହାଲଢେଇ। ଓଡିଶା ରାଜନିତିରେ ପୁଣି ଝଡ ସୃଷ୍ଠି କରିବ ବ୍ରହ୍ମଗିରି। ବ୍ରହ୍ମଗିରିରେ ବଢୁଛି ଉପାସନା ମହାପାତ୍ରଙ୍କ କ୍ରେଜ୍। ଶକ୍ତିସାଳୀ ହେଉଛି ବ୍ରହ୍ମଗିରି ବିଜେପି। ୨୦୨୪ ପାଇଁ ଜୋରସୋର ଚାଲିଛି ପ୍ରସ୍ତୁତି। ପୂର୍ବତନ ମନ୍ତ୍ରୀ ତଥା ବ୍ରହ୍ମଗିରିର ପୂର୍ବତନ ବିଧାୟକ ସଂଜୟ ଦାସ ବର୍ମା ଏବେଠୁ ବ୍ରହ୍ମଗିରିରେ ଅଣନିଶ୍ବାସୀ ହୋଇପଡିଲେଣି। ୨୦୨୪ ରେ ସଞ୍ଜୟଙ୍କ ଉପରେ ମହଙ୍ଗା ପଡିବ ଚିତପଲାଇ ହତ୍ୟାକାଣ୍ଡ ଘଟଣା। ନିଜ ବ୍ୟକ୍ତିଗତ ସହାୟକ ବା ପିଏ ହତ୍ୟାକାଣ୍ଡ ପଛରେ ସଞ୍ଜୟ ସମ୍ପୁକ୍ତ ଥିବା ଚିତ ରଞ୍ଜନ ପଲାଇଙ୍କ ପରିବାର ଲୋକେ ଅଭିଯୋଗ ଆଣି ଏବେବି ସିବିଆଇ ତଦନ୍ତ ଦାବୀ କରିଛନ୍ତି। ଯେଉଁ ପ୍ରସଙ୍ଗ ସଞ୍ଜୟ ଦାସ ବର୍ମାଙ୍କୁ ହରଡ ଘରଣା ପକାଇବ। ଯେଉଁ ପ୍ରସଙ୍ଗ ୨୦୨୪ ରେ ବିଜେପି କରିପାରେ ବଡ ପ୍ରସଙ୍ଗ।

ସେପଟେ ୨୦୧୯ ପୂର୍ବରୁ ଦୁଇ ଦୁଇ ଥର ବ୍ରହ୍ମଗିରିରେ ବିଜୟ ବାନା ଉଡାଇଥିଲେ ବିଜେଡିର ପାଓ୍ବାର ଫୁଲ ନେତା ସଞ୍ଜୟ ଦାସ ବର୍ମା। କିନ୍ତୁ ବ୍ରହ୍ମଗିରି ଲୋକଙ୍କ ପ୍ରତି ସଞ୍ଜୟ ଅଣଦେଖା ପଡିଥିଲା ମହଙ୍ଗା। ପ୍ରଥମ ଥର ରାଜନୀତି ମୈଦାନକୁ ଓହ୍ଲାଇ ବାଜି ମାରିନେଇ ଥିଲେ ବିଜେପି ନେତା ଲଳିତେନ୍ଦୁ ବିଦ୍ୟାଧର ମହାପାତ୍ର। ୨୦୨୪ ନିର୍ବାଚନ ପୂର୍ବରୁ ଆରମ୍ଭ ହେଲାଣି ଦଳ ଡିଆଁ ପର୍ବ । ନିକଟ ଅତିତରେ ବିଜେଡିର ଦୁର୍ଗକୁ ଭାଙ୍ଗିଛି ବିଜେପି। ବ୍ରହ୍ମଗିରି ବ୍ଲକର ବଡବେଣାଅୁଦୀ ଗ୍ରାମବାସୀ ବିଜେଡି ଛାଡି ୬୦ରୁ ଉର୍ଧ ପରିବାର ବିଜେପିର ହୋଇଛନ୍ତି ସାମିଲୀ।

ସେହିପରି ବ୍ରହ୍ମଗିରି ନିର୍ବାଚନ ମଣ୍ଡଳୀ, କୃଷ୍ଣପ୍ରସାଦ ବ୍ଳକ୍ ବଡ଼ଝାଡ ପଞ୍ଚାୟତର ନିର୍ବାଚିତ ସମିତି ସଭ୍ୟ ଶ୍ରୀ ଉମାକାନ୍ତ ସେଠୀ, ସିଆଣ୍ଡି ପଞ୍ଚାୟତର ସମିତି ସଭ୍ୟ ଶ୍ରୀ ଲଳିତ ତରାଇ ଏବଂ ଶିଆଳ ପଞ୍ଚାୟତର ସମିତି ସଭ୍ୟ ଶ୍ରୀ ଭୀମସେନ ସେଠୀ ବିଜୁ ଜନତା ଦଳ ପରିତ୍ୟାଗ କରି ବିଜେପିରେ ଯୋଗ ଦେଲେ । ବୈଦେଶିକ ବିଭାଗର ରାଷ୍ଟ୍ରମନ୍ତ୍ରୀ ଶ୍ରୀ ରାଜକୁମାର ରଞ୍ଜନ ସିଂ ଏବଂ ରାଷ୍ଟ୍ରୀୟ ପ୍ରବକ୍ତା ଶ୍ରୀ ସମ୍ବିତ ପାତ୍ର, ନାରି ନେତ୍ରୀ ଉପାସନା ମହାପାତ୍ରଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଥିଲେ ନିର୍ବାଚିତ ଜନପ୍ରତିନିଧି ମାନେ। ବିଜେପିରେ ଯୋଗ ଦେଉଥିବା ନେତୃମଣ୍ଡଳୀ ଓଡିଶାରେ ପରିବର୍ତ୍ତନର ଆକାଂକ୍ଷା ରଖୁଛନ୍ତି । ସାମସ୍ତଙ୍କ ଯୋଗଦାନ ଦଳକୁ ଆହୁରି ସୁଦୃଢ଼ କରୁଛି ବୋଲି ବିଜେପି ନେତ୍ରୀ ଉପାସନ ମହାପାତ୍ର କହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲୋକ ପ୍ରୀୟ ହିଁ ଭୋଟରଙ୍କୁ କରିଛି ଆକୃଷ୍ଟ। ଆଗକୁ ଦେଖିବାକୁ ବାକି ରହିଲା ବ୍ରହ୍ମଗିରି ଶାସନ କାହା ହାତକୁ ଯାଉଛି?