ଧାନ ଖଳାରେ ନିଆଁ ଲାଗି ୧୫ଟି ଧାନ ଗଦା ପୋଡ଼ି ସମ୍ପୂର୍ଣ ନଷ୍ଟ

ଆସିକା (ନିରପେକ୍ଷ ): ଧାନ ଖଳାରେ ନିଆଁ ଲାଗି ୧୫ ଟି ଧାନ ଗଦା ପୋଡ଼ି ସମ୍ପୂର୍ଣ ନଷ୍ଟ | ଗଞ୍ଜାମ ଜିଲ୍ଲା ଆସିକା କୋଟିବାଡି ଗାଆଁରେ ଅଘଟଣ l ବିଳମ୍ବିତ ରାତ୍ରରେ ଧାନ ଖଳାରେ ନିଆଁ ଲାଗି 15ଟି ଧାନ ଗଦା ସମ୍ପୂର୍ଣ ଭାବେ ପୋଡ଼ି ନଷ୍ଟ ହୋଇଯାଇଛି l ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିବା ବେଳେ କେଉଁ କାରଣରୁ ଏପରି ନିଆଁ ଲାଗିଲା ତାହାର କାରଣ ଅସଷ୍ଟ ରହିଛି l

ତେବେ ଚାଷୀ ମାନଙ୍କର ବର୍ଷ ସାରା ପରିଶ୍ରମ ପରେ ଅମଳ ଧାନକୁ ଖଳାରେ ରଖିଥିଲେ, ପ୍ରାୟ ୧୦ରୁ ୧୨ ଜଣ ଚାଷୀ ୧୦୦ ଭରଣରୁ ଉର୍ଦ୍ଧ୍ବ ଫସଲ ଧାନକୁ ଖଳାରେ ଗଦା କରିଥିଲେ l କିନ୍ତୁ କାଲି ବିଳମ୍ବିତ ରାତିରେ ଧାନ ଖଳାରେ ନିଆଁ ଲାଗିଯିବା ଫଳରେ ଖଳାରେ ଥିବା ସମସ୍ତ ଧାନ ପୋଡ଼ି ନଷ୍ଟ ହୋଇଯାଇଛି l ବର୍ଷ ସାରା ପରିଶ୍ରମ ପରେ ଅମଳ ହୋଇଥିବା ଧାନ ଏବେ ନିଆଁ ଲାଗି ପୋଡ଼ିଯିବା ପରେ ମୁଣ୍ଡରେ ହାତ ଦେଇ ବସିଛନ୍ତି ଚାଷୀ l ଧାର କରଜ କରି ଧାନ ଚାଷ କରିଥିବା ବେଳେ ସରକାର ଯଦି ଏବେ ତାଙ୍କୁ ସାହାଯ୍ୟ ସହଯୋଗ ନ କଲେ ବଞ୍ଚିବା କଷ୍ଟକର ହେବ ବୋଲି କହିଛନ୍ତି କ୍ଷତଗ୍ରସ୍ତ ଚାଷୀ l