ପିକନିକ ପାଇଁ ସମ୍ବଲପୁର ଯାଉଥିଲେ, ଘଟିଲା ଦୁର୍ଘଟଣା

ଆନନ୍ଦପୁର (ନିରପେକ୍ଷ ): ୨୦ ନଂ ଜାତୀୟ ରାଜପଥର ଭାଲୁକୁମା ନିକଟରେ ଟ୍ରକ୍ ପଛପଟେ ଧକ୍କା ଦେଲା ପିକନିକ୍ ବସ | ୨୦ ଆହତଙ୍କ ମଧ୍ଯରେ ୨ଗୁରୁତର । ବାଲେଶ୍ବର ଜିଲ୍ଲା ସୋର ବ୍ରହ୍ମୋସ୍ମି ଟିଉଟରିଆଲରୁ ସମ୍ବଲପୁର ପିକନିକ ପାଇଁ ଯାଇଥିଲେ ଛାତ୍ରଛାତ୍ରୀ ଓ ଶିକ୍ଷକ। ଫେରିବା ସମୟରେ ଭାଲୁକୁମା ଛକ ଠାରେ ଏକ ଟ୍ରକ୍ ପଛପଟେ ଧକ୍କା ହେଲା ବସ୍। ଦୁର୍ଘଟଣାରେ ପ୍ରାୟ ୨୦ ଜଣ ଆହତ ହୋଇଥିବାବେଳେ ଡ୍ରାଇଭର ଓ ଜଣେ ଶିକ୍ଷକ ଗୁରୁତର ରହିଛନ୍ତି ।

ତେବେ ସମସ୍ଥ ଆହତଙ୍କୁ ୨ଟି ଆମ୍ବୁଲାନ୍ସ ଯୋଗେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ହଠାତ୍ ସଂପୃକ୍ତ ଟ୍ରକଟି ବସକୁ ଓଭରଟେକ୍ କରିବା ପରେ ବ୍ରେକ୍ ମାରିଦେବାରୁ ବସ୍ ଡ୍ରାଇଭର ନିୟନ୍ତ୍ରଣ ହରାଇ ଟ୍ରକ୍ ପଛପଟେ ଧକ୍କା ଦେଇଥିବା ଆମ ଆନନ୍ଦପୁର ପ୍ରତିନିଧି ରିତା ବେହେରା ସୁଚନା ଦେଇଛନ୍ତି। ଖବରପାଇ ଘଷିପୁରା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି |