ମରାମତି ହେଲା ପୋଡା ଟ୍ରାନ୍ସଫରମର

ରାଉରକେଲା (ନିରପେକ୍ଷ): ପ୍ରାକ୍ତନ ବିଧାୟକ ପ୍ରାର୍ଥୀ ପ୍ରଶାନ୍ତ ସେଠୀଙ୍କ ଉଦ୍ୟମରେ ଦକ୍ଷିଣ ରାଉରକେଲା ତାରପୁର କଲୋନୀ ନିକଟସ୍ଥ ବନ୍ଧବସା ବାସିନ୍ଦା ବିଜୁଳି ଜନିତ ସମସ୍ୟାରୁ ଆଜି ମୁକ୍ତି ପାଇଛନ୍ତି l ଦୀର୍ଘ ପନ୍ଦର ଦିନ ହେବ ଟ୍ରାନ୍ସଫରମରଟି ପୋଡି ଯିବାରୁ ବସ୍ତି ବାସିନ୍ଦା ଅନ୍ଧକାରରେ ଥିଲେ l ବସ୍ତିକୁ ଜନନୀ ସମ୍ପର୍କ ଅଭିଯାନରେ ଆସିଥିବା ପ୍ରଶାନ୍ତ ଏକଥା ଜାଣିବା ପରେ ବିଭାଗୀୟ ଅଧିକାରୀଙ୍କ ସହ ତତକ୍ଷଣାତ ଯୋଗାଯୋଗ କରିଥିଲେ l ବସ୍ତିର ଏକ ପ୍ରତିନିଧି ମଣ୍ଡଳୀଙ୍କୁ ସାଙ୍ଗରେ ଧରି ବିଭାଗୀୟ ଅଧିକାରୀ ତଥା ସୁପରିଣ୍ଟେଣ୍ଡେଣ୍ଟ ଇଞ୍ଜିନିଅର ସୁଶାନ୍ତ ପଣ୍ଡାଙ୍କ ସହ ଆଲୋଚନା କରି ଏହାର ସମାଧାନ ପାଇଁ ନିବେଦନ କରିଥିଲେ l ଫଳରେ ମାତ୍ର ଦୁଇ ଦିନ ମଧ୍ୟରେ ଟ୍ରାନ୍ସଫରମର କାର୍ଯ୍ୟକ୍ଷମ ହେବା ସହ ବସ୍ତିକୁ ବିଜୁଳି ସରବରାହ ସ୍ୱାଭାବିକ ହୋଇଥିଲା l ଏହି ଅବସରରେ ବିଜୁଳି ସଂଯୋଗରୁ ବଞ୍ଚିତ ବସ୍ତିର ଶତାଧିକ ପରିବାର କିଭଳି ବିଜୁଳି ଆଲୋକ ଦେଖିବେ ସେନେଇ ଆଲୋଚନା ପରେ ପ୍ରଶାନ୍ତ ବିଭାଗୀୟ ଅଧିକାରୀଙ୍କୁ ଏକ ଦାବି ପତ୍ର ପ୍ରଦାନ କରିଥିଲେ l ପ୍ରାଥମିକତା ଭିତିରେ ବସ୍ତିରେ ଖୁଣ୍ଟ ପକାଇ ବଞ୍ଚିତ ପରିବାରକୁ ତୁରନ୍ତ ବିଜୁଳି ସଂଯୋଗ ଯୋଗାଇ ଦେବାକୁ ପ୍ରଶାନ୍ତ ଦାବି କରିଥିଲେ l

ଏହି ଅବସରରେ ବିଭାଗୀୟ ଅଧିକାରୀଙ୍କ ସହଯୋଗ ମନୋଭାବକୁ ଶତାଧିକ ବସ୍ତି ବାସିନ୍ଦା ପ୍ରଶଂସା କରିବା ସହ ଯୁଦ୍ଧ କାଳୀନ ଭିତିରେ ଟ୍ରାନ୍ସଫର ମର ମରାମତି କରିଥିବାରୁ କୃତଜ୍ଞତା ଜଣାଇ ଥିଲେ l ଜନନୀ ସମ୍ପର୍କ ଅଭିଯାନ ମାଧ୍ୟମରେ ପ୍ରଶାନ୍ତ ଏଭଳି ସମସ୍ୟା ସମ୍ପର୍କରେ ଅବଗତ ପରେ ତୁରନ୍ତ ପଦକ୍ଷେପ ନେଇଥିବାରୁ ବସ୍ତିର ଶତାଧିକ ପରିବାର ତାଙ୍କୁ ଧନ୍ୟବାଦ ଜ୍ଞାପନ କରିଥିଲେ l ଏହି କାର୍ଯ୍ୟକ୍ରମରେ ରାଜେଶ ଶର୍ମା, ସତପାଲ ଗୌଡ଼, ଦେଓମୁନି ସାମନ୍ତ, ଲକ୍ଷ୍ମୀ ପାତ୍ର, ରାଧା ସାଣ୍ଡିଲ, ସୁଶୀଳା ବିନ୍ଧାଣି, ରୀନା ଲୋହାର, ସୁକାନ୍ତି ଓରାମ ଓ ସରୋଜ ନାୟକ ପ୍ରମୁଖ ଉପସ୍ଥିତ ଥିଲେ l