କବିସୂର୍ଯ୍ୟନଗର ବିଜୁ ଜନତା ଦଳ ପକ୍ଷରୁ ବିଜୁ ଜନତା ଦଳର ୨୭ତମ ପ୍ରତିଷ୍ଠା ଦିବସ ପାଳନ

ଗଞ୍ଜାମ (ନିରପେକ୍ଷ): ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ବିଜୁ ଜନତା ଦଳ ପକ୍ଷରୁ ବିଜୁ ଜନତା ଦଳର ୨୭ତମ ପ୍ରତିଷ୍ଠା ଦିବସ ପାଳନ ହୋଇଯାଇଛି l ବିଧାୟିକା ଲତିକା ପ୍ରଧାନଙ୍କ ନେତୃତରେ କୋଦଳା ଦଣ୍ଡେଶ୍ୱର ମନ୍ଦିର ପ୍ରାଙ୍ଗଣରେ ବିଜୁ ଜନତା ଦଳର ୨୭ତମ ପ୍ରତିଷ୍ଠା ଦିବସ ପାଳନ କରାଯାଇଥିଲା l ୨୬ତମ ବର୍ଷ ପୂର୍ତ୍ତି ଏବଂ ୨୭ତମ ପ୍ରତିଷ୍ଠା ଦିବସ ଅବସରରେ ମାନ୍ୟବର ବିଧାୟିକା ଲତିକା ପ୍ରଧାନ ଗୁଢ଼ିଆଳି ଛକ ସ୍ଥିତ ପ୍ରବାଦ ପୁରୁଷ ବିଜୁ ବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଦେବା ସହ କାର୍ଯ୍ୟକ୍ରମ ଆରମ୍ଭ କରିଥିଲେ | ପରେ କବିସୂର୍ଯ୍ୟନଗର ଚିକିତ୍ସାଳୟରରେ ପହଞ୍ଚି ସମସ୍ତ ରୋଗୀମାନଙ୍କୁ ଫଳ ବଣ୍ଟନ କରିବା ସହ ସେମାନଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝଥିଲେ l

ଏହା ପରେ ସେଠାରୁ ଏକ ରାଲିରେ ବାହାରି କୋଦଳା ଦଣ୍ଡେଶ୍ୱର ମନ୍ଦିରରେ ପହଞ୍ଚିଥିଲେ l ମନ୍ଦିର ପ୍ରାଙ୍ଗଣରେ ଦଳୀୟ ସାଧାରଣ ସଭାର ଅନୁଷ୍ଠିତ ହୋଇଥିଲା l ପ୍ରଥମେ ମାନ୍ୟବର ବିଧାୟିକା ଲତିକା ପ୍ରଧାନ ବିଜୁପଟ୍ଟନୟକଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରିବା ସହ ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଆରମ୍ଭ କରିଥିଲେ l ୧୯୯୭ ମସିହା ଆଜିର ଦିନରେ ପ୍ରବାଦ ପୁରୁଷ ବିଜୁ ପଟ୍ଟନାୟକ ନାମରେ ବିଜୁ ଜନତା ଦଳ ଗଠନ ହୋଇଥିବା ବେଳେ ୨୦୦୦ ମସିହା ଠାରୁ ଆଜି ଯାଏଁ ଦଳ ରାଜ୍ୟରେ ଶାସନରେ ରହି ଲୋକମାନଙ୍କ ସେବା କରି ଆସୁଛି l ଦୀର୍ଘ ୨୬ ବର୍ଷ ଶାସନ କାଳ ଭିତରେ ବିଜୁ ଜନତା ଦଳ ଓଡ଼ିଶାର ପ୍ରଗତି ପଥର ସାରଥୀ ସାଜିଥିବା ବେଳେ ଅସହାୟ ଗରିବ ଲୋକମାନଙ୍କ ସାଥି ହୋଇ ପାରିଛି ବୋଲି ମାନ୍ୟବର ବିଧାୟିକା ଲତିକା ପ୍ରଧାନ ନିଜର ବକ୍ତବ୍ୟରେ କହିଛନ୍ତି l ତେବେ ଏହି କାର୍ଯ୍ୟକ୍ରମରେ କବିସୂର୍ଯ୍ୟନଗର ବିଜୁ ଜନତା ଦଳର ବହୁ ଆଗ ଧାଡିର ବରିଷ୍ଠ ନେତା, ହଜାର ହଜାର ବିଜୁ ପ୍ରେମୀ ଓ ସମର୍ଥକ ମାନେ ଯୋଗ ଦେଇଥିଲେ l ବିଜୁ ଜନତା ଦଳର ୨୭ତମ ପ୍ରତିଷ୍ଠା ଦିବସ ପାଳନ ଅବସରରେ ନବୀନ ଓଡ଼ିଶା’ ଗଢିବାର ଦୁଢ଼ ସଂକଳ୍ପ ନେଇଥିଲେ ବିଜେଡି କର୍ମୀ ଓ ନେତା l