ଆଜିଠୁ ଆରମ୍ଭ ଭାରତ-ଦକ୍ଷିଣ ଆଫ୍ରିକା ପ୍ରଥମ ଟେଷ୍ଟ ମ୍ୟାଚ

ନୂଆଦିଲ୍ଲୀ (ନିରପେକ୍ଷ): ଆଜିଠୁ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଆରମ୍ଭ ହେବାକୁ ଯାଉଛି ପ୍ରଥମ ଟେଷ୍ଟ ମ୍ୟାଚ। ଆଗରୁ ଟି-ଟ୍ବେଣ୍ଟି ଓ ଦିନିକିଆ ଖେଳିସାରିଛି ଏହାପରେ ବର୍ତ୍ତମାନ ଟେଷ୍ଟ ସିରିଜ ଖେଳିବ ଭାରତ।

ତେବେ ରୋହିତ ଶର୍ମାଙ୍କ ନେତୃତ୍ବରେ ଆଜି ମଇଦାନକୁ ଓହ୍ଳାଇବ ମେନ୍‌ ଇନ୍‌ ବ୍ଲୁ’ । ଟି-20, ଦିନିକିଆରେ ବିଶ୍ରାମ ଦିଆଯାଇଥିବା ବରିଷ୍ଠ ଖେଳାଳି ଟେଷ୍ଟ ସିରିଜ ପାଇଁ ଦଳକୁ ଫେରିଛନ୍ତି । ସେହିପରି ବିରାଟ କୋହଲି, ରୋହିତ ଶର୍ମା ଓ ଯଶପ୍ରୀତ ବୁମରା ବିଶ୍ବକପ ପରେ କୌଣସି ମ୍ୟାଚ୍‌ ଖେଳିନଥିବା ବେଳେ ଟେଷ୍ଟ ମ୍ୟାଚ ପାଇଁ ପୁରା ପ୍ରସ୍ତୁତ ହୋଇଛନ୍ତି।

ସୂଚନାଯୋଗ୍ୟ, ଦକ୍ଷିଣ ଆଫ୍ରିକାର ସ୍ପୋର୍ଟ୍ସ ପାର୍କରେ ଏହି ଟେଷ୍ଟ ମ୍ୟାଚ୍‌ ଖେଳାଯିବ । ମଧ୍ୟାହ୍ନ ସମୟରେ ଏହି ମ୍ୟାଚ୍‌ ଆରମ୍ଭ ହେବ । ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଇଥିବା ଟି-20 ସିରିଜ ଡ୍ର’ ରହିଥିବା ବେଳେ ଦିନିକିଆରେ ଟିମ୍‌ ଇଣ୍ଡିଆ ସିରିଜ କବ୍‌ଜା କରିଥିଲା । ଏବେ ଭାରତୀୟ ଦଳର ନଜର ଟେଷ୍ଟ ସିରିଜ ଉପରେ । ବରିଷ୍ଠ ଖେଳାଳି ଦଳକୁ ଫେରିଥିବାରୁ ଟେଷ୍ଟ ମ୍ୟାଚ ଭାରତ ସପକ୍ଷରେ ଯିବା ନେଇ ଆଶା କରାଯାଉଛି । କିନ୍ତୁ ଭାରତ ପାଇଁ ବିଜୟ ସହଜ ହେବ ନାହିଁ । 1992ରୁ ଆଜି ପର୍ଯ୍ୟନ୍ତ ଦକ୍ଷିଣ ଆଫ୍ରିକା ସହ ଯେତେ ଟେଷ୍ଟ ମ୍ୟାଚ୍‌ ଖେଳାଯାଇଛି ଘରୋଇ ଦଳ ଅଧିକ ମ୍ୟାଚ୍‌ରେ ବିଜୟୀ ହୋଇଛି ।