ସ୍ଵାମୀ ସ୍ତ୍ରୀ ମଧ୍ୟରେ ଭୁଲ୍ ବୁଝାମଣା ପାଇଁ ବେକରେ ଦୌଡ଼ି ଦେଇ ଆତ୍ମହତ୍ୟା କଲା ସ୍ତ୍ରୀ

ରାଇରଙ୍ଗପୁର(ନିରପେକ୍ଷ): ଠୁଳୁକୁଚଟାଣି ଗ୍ରାମର ବଧୁରାଇ ହେମ୍ପ୍ରମ ୨୩ ବର୍ଷିୟ ଯମୁନା ମାର୍ଣ୍ଡୀ ଗତ ୩/୪ ବର୍ଷ ହେବ ବିଜାତଳା ବ୍ଲକ ଭାଲୁଯୋଡି ଗ୍ରାମର ଯୁବକ ଲକ୍ଷ୍ମଣ ମାର୍ଣ୍ଡୀଙ୍କୁ ଭଲ ପାଇ ବିବାହ କରିଥିଲେ। ସେହି ସମୟ ମଧ୍ୟରେ ଉଭୟ ବାଙ୍ଗାଲୋରକୁ ଯାଇ କିଛି କାମ ମଧ୍ୟ କରୁଥିଲେ। ତେବେ ପରେ କିଛି କାରଣରୁ ସ୍ତ୍ରୀ ଯମୁନାକୁ ନିଜ ଘରେ ଛାଡ଼ିଦେଇ ଲକ୍ଷ୍ମଣ ପୁଣି ବାଙ୍ଗାଲୋରକୁ କାମ କରିବା ପାଇଁଁ ଚାଲି ଯାଇଥିଲା| ଏହା ଭିତରେ ସ୍ଵାମୀ ସ୍ତ୍ରୀ ସମ୍ପର୍କ ମଧ୍ୟରେ ସନ୍ଦେହର ଫାଟ୍ ସୃଷ୍ଟି ହେଲା ଏବଂ ଫୋନ୍ ଯୋଗେ ବାରମ୍ବାର ଝଗଡ଼ା ହେଉଥିବା ଘର ଲୋକେ କହିଛନ୍ତି।

ତେବେ ଏହା ଶୁଣି ଯମୁନାର ବାପା ସପ୍ତାହେ ଆଗରୁ ଝିଅ ଯମୁନାକୁ ନିଜ ଘରକୁ ନେଇ ଆସିଥିଲା, ତେବେ ଆଜି ସକାଳ ୫ଟା ସମୟରେ ଶୌଚ ଯାଉଛି କହି ଗାଁ ବାହାର ବିଲ ଭିତରେ ଲଟାବୁଦାରେ ଏକ ଗଛରେ ଦୌଡ଼ି ଦେଇ ଆତ୍ମହତ୍ୟା କରିଛନ୍ତି ଏବଂ ଏକ ନୋଟ୍ ମଧ୍ୟ ଲେଖି ଦେଇଯାଇଛନ୍ତି ଯେ, ମୁଁ ମୋ ସ୍ଵାମୀ ଲକ୍ଷ୍ମଣକୁ ଭଲ ପାଇ ବାହା ହୋଇଥିଲି ଏବଂ ବହୁତ ଭଲ ମଧ୍ୟ ପାଉଥିଲି, କିନ୍ତୁ ମୋତେ ବାରମ୍ବାର ସନ୍ଦେହ କରୁଥିଲେ। ଏଣୁ ମୁଁ ଆଜି ଆତ୍ମହତ୍ୟା କରୁଛି, ଏଥିପାଇଁ କେହି ଦାୟୀ ନୁହଁନ୍ତି ବୋଲି ଲେଖିଥିବା ଏକ ନୋଟ୍ ବିଶୋଇ ପୋଲିସ ଘଟଣାସ୍ଥଳରୁ ଜବତ୍ କରିଛି ।