ପୁଣି କରୋନା ଭୟ, ୨୪ ଘଣ୍ଟାରେ ୬୪୦ ସଂକ୍ରମିତ

ନୂଆଦିଲ୍ଲୀ (ନିରପେକ୍ଷ): ପୁଣି ଦେଶରେ ଘାରିଛି କରୋନା ଭୟ | ୨୪ ଘଣ୍ଟାରେ ଚିହ୍ନଟ ହେଲେଣି ନୂଆ ୬୪୦ କୋଭିଡ୍ ସଂକ୍ରମିତ। ଏହାକୁ ମିଶାଇ ଦେଶରେ ଆକ୍ଟିଭ୍ କେସ୍ ମାମଲା ବର୍ତମାନ ୩ ହଜାର ନିକଟତର ହୋଇସାରିଲାଣି। ସେହିପରି କୋଭିଡର ଏହି ନୂଆ ଭାରିଏଣ୍ଟରେ ଜଣେ ବ୍ୟକ୍ତି ପ୍ରାଣ ହରାଇସାରିଲେଣି। ତେବେ ଏହି ମୃତକ ଜଣଙ୍କ କେରଳର ବୋଲି ଜଣାପଡ଼ିଛି।

କେନ୍ଦ୍ର ସ୍ବାସ୍ଥ୍ୟମନ୍ତ୍ରାଳୟ ଦେଇଥିବା ରିପୋର୍ଟ ଅନୁସାରେ, ଦେଶରେ ବର୍ତମାନ କୋଭିଡ୍-୧୯ ସକ୍ରିୟ ମାମଲା ୨, ୯୯୭ ରହିଛି। ଯାହାକି ଗତକାଲି ସୁଦ୍ଧା ୨,୬୬୯ ଥିଲା । ତେବେ କରୋନାର ଏହି ସକ୍ରିୟ ମାମଲା ୧୦ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରୁ ସାମ୍ନାକୁ ଆସୁଛି । ଏହି ରାଜ୍ୟ ଗୁଡ଼ିକ ହେଲେ କେରଳ, କର୍ଣ୍ଣାଟକ, ଆନ୍ଧ୍ର ପ୍ରଦେଶ, ତେଲଙ୍ଗାନା, ଉତ୍ତରପ୍ରଦେଶ, ବିହାର, ଛତିଶଗଡ଼, ରାଜସ୍ଥାନ, ତାମିଲନାଡ଼ୁ ଓ ପୁଡୁଚେରୀ । ତେବେ ସୂଚନା ଥାଉ କି, କୋଭିଡ-19ର ଏହି ନୂଆ ସବ୍-ଭାରିଆଣ୍ଟ JN.1 ଭୂତାଣୁ ପ୍ରଥମେ କେରଳରୁ ହିଁ ଚିହ୍ନଟ ହୋଇଥିଲା।