ପ୍ରଧାନ ମନ୍ତ୍ରୀ ମୋଦିଙ୍କ ଜନ୍ମଦିନରେ ଟ୍ୱିଟ କରି ଶୁଭେଚ୍ଛା ଜଣାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ନିରପେକ୍ଷ ବ୍ୟୁରୋ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ୭୩ ବର୍ଷରେ ପାଦ ଥାପିଛନ୍ତି । ଏହି ଅବସରରେ ସଙ୍ଗଠନରୁ ରାଜନୀତି, ରାଜନୀତିରୁ ଶାସନଗାଦି, ଶାସନଗାଦିରୁ ସର୍ବୋଚ୍ଚ ଶାସନଗାଦି ଆଉ ସର୍ବୋଚ୍ଚ ଶାସନଗାଦିରୁ ପ୍ରଧାନ ସେବକର ଉତ୍ତର ଦାୟିତ୍ବ । ପ୍ରଧାନମନ୍ତ୍ରୀ ମୋଦିଙ୍କର ୭ ଦଶକରୁ ଅଧିକ ଆୟୁଯାତ୍ରାରେ ସାତରଙ୍ଗର ବିବିଧତା ଅଛି । ଆଉ ସାତସୁର ପରି ଜୀବନ ବି ରହିଛି । ୨୨ ବର୍ଷ ବିତିସାରିଛି । ସମ୍ବିଧାନ ସ୍ବୀକୃତ ମୁଖିଆ ଭାବେ ଦାୟିତ୍ବ ନିଭାଇବାରେ । ହେଲେ ଲକ୍ଷ୍ୟର ଯାତ୍ରା ଏବେ ବି ନିରନ୍ତର ଜାରି ରହିଛି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନକୁ ନେଇ ଶୁଭେଚ୍ଛା ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେ ଟ୍ଵିଟ୍ କରି ଲେଖିଛନ୍ତି, ବିଶ୍ଵର ସର୍ବାଧିକ ଲୋକପ୍ରିୟ ନେତା ଓ ସମସ୍ତଙ୍କ ପାଇଁ ପ୍ରେରଣାସ୍ରୋତ ଆଦରଣୀୟ ପ୍ରଧାନମନ୍ତ୍ରୀଙ୍କୁ ଜନ୍ମଦିନର ଅନେକ ଅନେକ ଶୁଭେଚ୍ଛା। ଆପଣଙ୍କ ସେବା ଓ ସମର୍ପଣ ଦ୍ଵାରା ବିଗତ ୯ ବର୍ଷରେ ଦେଶବାସୀଙ୍କ ଜୀବନରେ ଯେଉଁ ପରିବର୍ତ୍ତନ ଆସିଛି ତାକୁ ପୂରା ବିଶ୍ଵ ଅନୁଭବ କରିଛି। ଏହାସହ ପ୍ରଧାନମନ୍ତ୍ରୀଙ୍କ ଦୀର୍ଘାଉ କାମନା ସହ ମହାପ୍ରଭୁ ଜଗନ୍ନାଥଙ୍କ ଆର୍ଶୀବାଦ ସବୁବେଳେ ରହିବା ନେଇ ପ୍ରାର୍ଥନା କରିଛନ୍ତି।