ଚାରିଦିନ ନୋ ଟେନସନ ;ଶୁଖିଲା ରହିବ ପାଗ

ନିରପେକ୍ଷ(ନୂଆଦିଲ୍ଲୀ): ଲୁଚକାଳି ଖେଳୁଛି ମୌସୁମୀ। କେତେ ବେଳେ ଦୁର୍ବଳ ତ ପୁଣି କେବେ ସକ୍ରିୟ ।ତେବେ ଇତି ମଧ୍ୟରେ ଓଡ଼ିଶାରେ ଦୁର୍ବଳ ରହିଛି ମୌସୁମି । ଆଗାମୀ ୪ ଦିନ ଯାଏ ରାଜ୍ୟରେ ପାଗ ଶୁଖିଲା ରହିବ । ଏନେଇ ଆକଳନ କରିଛି ଭୁବନେଶ୍ବର ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ଗତ ୨୪ ଘଣ୍ଟାରେ ରାଜ୍ୟର କିଛି କିଛି ସ୍ଥାନରେ ସ୍ବଳ୍ପ ବୃଷ୍ଟିପାତ ଦେଖିବକୁ ମିଳିଛି । ନବରଙ୍ଗପୁର ତେନ୍ତୁଲିଖୁଣ୍ଟିରେ ସର୍ବାଧିକ 22ମିମି ବର୍ଷା ରେକର୍ଡ ହୋଇଛି । ସେହିପରି ଜୟପୁର ଓ କୋରାପୁଟରେ 18.6 ମିମି ବର୍ଷା ରେକର୍ଡ ହୋଇଛି ।

ତେବେ ରିପୋର୍ଟ ଅନୁସାରେ ଜୁନ ୧ ରୁ ଆଜି ସୁଦ୍ଧା 782 ମିମି ବର୍ଷା ହୋଇଛି । ଯେତେବେଳେ ଏହି ସମୟରେ ସ୍ବାଭାବିକ ବର୍ଷାର ପରିମାଣ 884.2 ମିମି ହେବା କଥା । ୧୮ ଜିଲ୍ଲାରେ ସ୍ବାଭାବିକ ବର୍ଷା ହୋଇଥିବା ବେଳେ 11 ଜିଲ୍ଲାରେ ସ୍ବାଭାବିକ ଠାରୁ କମ ବର୍ଷା ରେକର୍ଡ ହୋଇଥିବା ଜଣାପଡ଼ିଛି । ତେବେ ଅଗଷ୍ଟ ୩୦ ବେଳକୁ ରାଜ୍ୟର କିଛି ସ୍ଥାନରେ ବିଜୁଳି ଘଡଘଡି ସହ ବର୍ଷା ହେବାର ସମ୍ଭାବନା ରହିଛି । ତେବେ ସେପ୍ଟେମ୍ବର ୧ରୁ ବର୍ଷାର ପରିମାଣ ବଢିବା ନେଇ ଆକଳନ କରିଛି ପାଣିପାଗ କେନ୍ଦ୍ର ।