ଟ୍ରେନ ରେ ନିଆଁ ଲାଗି ଚାଲିଗଲା ୧୦ଜଣଙ୍କ ଜୀବନ

ନିରପେକ୍ଷ(ମଦୁରାଇ) : ପୁଣି ଦେଖିବାକୁ ମିଳିଛି ଆଉ ଏକ ରେଳ ଅଘଟଣ । ତେବେ ଏଯାଏଁ ମନରୁ ଲିଭିନି ବାଲେଶ୍ବର ଜିଲ୍ଲା ବାହାନଗା ଟ୍ରେନ ଦୁର୍ଘଟଣା ର ଅଭୁଲା ଛାତିଥରା ଘଟଣା ତେବେ ଆଉ ଏକ ଘଟଣା ପୁଣି ବ୍ୟଥିତ କରିଛି । ସାଧାରଣ ଗୋଟିଏ ଛୋଟିଆ ଭୁଲ ପାଇଁ ଯାଇଛି ୧୦ଜଣଙ୍କ ମୂଲ୍ୟବାନ ଜୀବନ । ତେବେ ଚେନ୍ନାଇର ମଦୁରାଇ ରେଳ ଷ୍ଟେସନ ନିକଟରେ ଅଗ୍ନିକାଣ୍ଡ ଘଟିଛି । ତେବେ ବେଆଇନ ଭାବେ ଟ୍ରେନରେ ଗ୍ୟାସ ଟାଙ୍କି ନେଇ ଯାଉଥିବାବେଳେ ଏହି ଅଘଟଣ ଘଟିଥିବା କୁହାଯାଉଛି । ତେବେ କିଭଳିଭାବେ ସିଲିଣ୍ଡର ନେବାକୁ ଅନୁମତି ମିଳିଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କାର ସହାୟତା ରାଶି ଘୋଷଣା କରାଯାଇଛି ।

ରେଲଓ୍ବେ ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଏହି ଦୁର୍ଘଟଣାରେ କୋଚରେ ୧୦ ଜଣ ଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ୨୦ ଜଣ ଆହତ ହୋଇଛନ୍ତି । ଯେଉଁମାନେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ପୋଲିସ, ଅଗ୍ନିଶମ ବାହିନୀ ଏବଂ ଉଦ୍ଧାର କର୍ମଚାରୀମାନେ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ କରାଯାଇଥିଲା । କୁହାଯାଉଛି କି, ଟ୍ରେନରୁ ଏକ ବସ୍ତା ଆଳୁ ମଧ୍ୟ ମିଳିଛି । ଟ୍ରେନରେ ରୋଷେଇ କରୁଥିବାବେଳେ ଏହି ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି ।