୫୫୩ କେଜି ୨୦୦ ଗ୍ରାମ ଗଞ୍ଜେଇ ଜବତ;ଜଣେ ଗିରଫ

ନିରପେକ୍ଷ(ବରଗଡ଼) : ବରଗଡ଼ରେ ଜାରି ରହିଛି ନିଶା କାରବାର ଉପରେ ଚଢ଼ାଉ। ଆଜି ଅବକାରୀ ଅଧୀକ୍ଷକ ସୁବର୍ଣ୍ଣ କୁମାର ନାୟକଙ୍କ ନିର୍ଦ୍ଦେଶ କ୍ରମେ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣ ର ଗଞ୍ଜେଇ ଜବତ କରାଯାଇଛି ।ଏହି ଘଟଣାରେ ଦୁଇଜଣ ପୁରୁଷ ଅଭିଯୁକ୍ତ ଫେରାର ହୋଇଯାଇଥିବା ବେଳେ ଗଞ୍ଜେଇ କାରବାର ରେ ସଂପୃକ୍ତ ଜଣେ ମହିଳା ଙ୍କୁ ଗିରଫ କରିଛି ଅବକାରୀ ବିଭାଗ। ଏକ ବିଶ୍ବସ୍ତ ସୂତ୍ରରୁ ଖବର ପାଇ ବରଗଡ଼ ପୌରାଞ୍ଚଳ ର ଏକ ନମ୍ବର ୱାର୍ଡ ଅନ୍ତର୍ଗତ ବ୍ରହ୍ମ ନଗର ର ଡାକ୍ତର ମହାରଣା ଘରେ ଚଢ଼ାଉ କରି ୫୦୫ କେଜି ଗଞ୍ଜେଇ ଜବତ କରିଥିବା ବେଳେ ତାଠାରୁ ନେଇଥିବା ଘୁଲିପାଲି ର ଦିଲୀପ ସିଂ ର ଘରୁ ୪୮ କେଜି ୨୦୦ ଗ୍ରାମ ଗଞ୍ଜେଇ ଜବତ କରାଯାଇଛି ।ସମୁଦାୟ ୫୫୩ କେଜି ୨୦୦ ଗ୍ରାମ ଗଞ୍ଜେଇ ଜବତ କରାଯାଇଛି। ଅବକାରୀ ବିଭାଗ ୨ ଟି ଭିନ୍ନ ଭିନ୍ନ ମାମଲା ରଜୁ କରି ତଦନ୍ତ ଜାରି ରଖୁଥ‌ିବା ବେଳେ ମଞ୍ଜୁଲତା ମହାରଣା କୁ ଗିରଫ କରାଯାଇଛି ।

ତେବେ ଚଢ଼ାଉ ବେଳେ ମଞ୍ଜୁଲତା ମହାରଣା ଙ୍କ ସ୍ବାମୀ ଡାକ୍ତର ମହାରଣା ଓ ଦିଲୀପ ସିଂ ଫେରାର ହୋଇଯାଇଥ‌ିବା ଅବକାରୀ ବିଭାଗ ପକ୍ଷରୁ କୁହାଯାଇଛି । ଏହି ଚଢ଼ାଉରେ ଅବକାରୀ ଇନ୍ସପେକ୍ଟର ସମରଜିତ ଦାଶ,ସବ ଇନ୍ସପେକ୍ଟର ମୋହନ ପ୍ରଧାନ,ସ୍ବପ୍ନାରାଣୀ ଟେଟେ,ଆରତୀ ମିଞ୍ଜ,ଏ ଏସ ଆଇ ଧନମତି ତାଣ୍ଡି, କନେଷ୍ଟବଲ ବିନୋଦ ତିର୍କୀ,ସରସ୍ବତୀ ବ°ଛୋର, କାନ୍ତ ଭୋଇ,ରାଜେଶ ରାଉତ ଓ ରାଜେଶ ସାହୁ ପ୍ରମୁଖ ରହିଥିଲେ।