ପୂଜା କରିବା ବେଳେ ଟଳି ପଡିଲେ ପୂଜକ

ପୂଜା କରିବା ବେଳେ ଚାଲିଗଲା ଜୀବନ । ପୂଜା କରୁ କରୁ ଟଳିପଡିଲେ ପୂଜକ । ଆଜି ସକାଳେ କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ଅଲରା ଗାଁରେ ଥିବା ଶିବ ମନ୍ଦିରରେ ଘଟିଛି ଅଘଟଣ । ମନ୍ଦିରରେ ପୂଜା କରୁଥିବା ବେଳେ ଟଳିପଡିଲେ ପୂଜକ । ପରେ ତାଙ୍କୁ ଡାକ୍ତରଖାନା ନିଆଯାଇଥିବା ବେଳେ ସେଠାରେ ତାଙ୍କୁ ମୃତ ଘୋଷଣା କରାଯାଇଛି । ସୂଚନା ମୁତାବକ ଅଲରା ଗାଁରେ ଶିବ ମନ୍ଦିରରେ ପୂଜକ ପ୍ରଭାସ ନନ୍ଦ (୪୦) ସବୁଦିନ ଭଳି ଆଜି ବି ସକାଳେ ମନ୍ଦିରକୁ ଆସିଥିଲେ । ସେ ପୂଜା କରିବା ବେଳେ ହଠାତ୍ ତଳେ ପଡିଯାଇଥିଲେ । ଏହାପରେ ପୂଜକଙ୍କୁ ତୁରନ୍ତ ୧୦୮ ଆମ୍ବୁଲାନ୍ସ ଯୋଗେ ନରସିଂହପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଗୁରୁତର ପୂଜକ ପ୍ରଭାବ ନନ୍ଦଙ୍କୁ ମୃତ ଘୋଷଣା କରିଛନ୍ତି ଡାକ୍ତର । ଏହି ଘଟଣା ପ୍ରଚାରିତ ହେବା ପରେ ଗାଁରେ ଶୋକର ଛାୟା ଖେଳିଯାଇଛି । ଏଣେ ନରସିଂହପୁର ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛନ୍ତି । ପୂର୍ବରୁ ପୂଜକ ପ୍ରଭାସ ନନ୍ଦ ଶ୍ୱାସଜନିତ ରୋଗରେ ପୀଡିତ ଥିଲେ ବୋଲି ଜଣାପଡିଛି ।