ନିରପେକ୍ଷ (ସ୍ୱାସ୍ଥ୍ୟ): ଆଜିକାଲି ଅସ୍ୱାଭାବିକ ଜୀବନ ଶୈଳୀ ପାଇଁ ଅନେକ ପ୍ରକାର ରୋଗ ଆମକୁ ମାଡି ବସୁଛି ।ସେଥି ମଧ୍ୟରୁ ରକ୍ତଚାପ ଅନ୍ୟତମ । ତେବେ ଯଦି ଆପଣ ରକ୍ତଚାପ ରୋଗୀ, ତେବେ ଆପଣ ଆପଣଙ୍କର ଖାଦ୍ୟର ସମ୍ପୂର୍ଣ୍ଣ ଯତ୍ନ ନେବା ଉଚିତ୍। କାରଣ ଆପଣ ଯାହା ଖାଆନ୍ତି, ଏହା ରକ୍ତଚାପ(Blood Pressure) ଉପରେ ମଧ୍ୟ ପ୍ରଭାବ ପକାଇଥାଏ । ଉଚ୍ଚ ରକ୍ତଚାପ ରୋଗୀଙ୍କୁ ସୁସ୍ଥ ରଖିବା ପାଇଁ, BPକୁ ନିୟନ୍ତ୍ରଣରେ ରଖିବା ପାଇଁ ଆପଣ ଯଥାସମ୍ଭବ ଚେଷ୍ଟା କରିବା ଉଚିତ୍। କ୍ରମାଗତ ଉଚ୍ଚ ରକ୍ତଚାପ ହେତୁ ହୃଦଘାତ ଏବଂ ଷ୍ଟ୍ରୋକ୍ ହେବାର ଆଶଙ୍କା ଯଥେଷ୍ଟ ବୃଦ୍ଧି ପାଇପାରେ। ସେଥିପାଇଁ ଆପଣଙ୍କର ଉଚ୍ଚ ରକ୍ତଚାପ ଥିଲେ କିଛି ଖାଦ୍ୟ ପଦାର୍ଥକୁ ସମ୍ପୂର୍ଣ୍ଣ ବାରଣ କରିବା ଉଚିତ୍। ତେବେ ଆସନ୍ତୁ ଜାଣିବା ଯେ ଉଚ୍ଚ ରକ୍ତଚାପ ଥିଲେ ଆପଣ କେଉଁ ସବୁ ଖାଦ୍ୟ ଖାଇବା ଉଚିତ୍ ନୁହେଁ।
ଚିନି-ଚିନି ବା ଚିନିରୁ ପ୍ରସ୍ତୁତ ଖାଦ୍ୟ ଖାଇବା ଦ୍ୱାରା ରକ୍ତଚାପ ବଢ଼ିଯିବାର ସମ୍ଭାବନା ରହିଥାଏ। ଏହାର କାରଣ ହେଉଛି ଚିନି ଓଜନ ବୃଦ୍ଧି କରାଇଥାଏ, ଏହା ଅନ୍ୟ ରୋଗର ଆଶଙ୍କା ମଧ୍ୟ ବୃଦ୍ଧି କରିଥାଏ। ତେଣୁ, ଯଦି ଆପଣଙ୍କର ଉଚ୍ଚ ରକ୍ତଚାପ ସମସ୍ୟାର ସମ୍ମୁଖୀନ ତେବେ ସୀମିତ ପରିମାଣରେ ଚିନି ଖାଇବା ଉଚିତ୍ ।
ଲୁଣ-ଉଚ୍ଚ ରକ୍ତଚାପ ଏବଂ ହୃଦରୋଗର ମୁଖ୍ୟ କାରଣ ହେଉଛି ଲୁଣ ।ନିମ୍ନ ରକ୍ତଚାପରେ ଡାକ୍ତରମାନେ ମଧ୍ୟ ଲୁଣ ଖାଇବାକୁ ପରାମର୍ଶ ଦିଅନ୍ତି। ମାତ୍ର ଉଚ୍ଚ ରକ୍ତଚାପରେ ଅଧିକ ଲୁଣ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ବିପଦଜନକ ହୋଇପାରେ। ସେଥିପାଇଁ ଉଚ୍ଚ ରକ୍ତଚାପ ଥିବା ଲୋକଙ୍କ ଖାଦ୍ୟରେ ସବୁବେଳେ କମ୍ ଲୁଣ ବ୍ୟବହାର କରାଯିବା ଉଚିତ୍। ଏହି ସମୟ ମଧ୍ୟରେ ଆପଣ ପିଜ୍ଜା, ବର୍ଗର ଇତ୍ୟାଦି ଖାଦ୍ୟ ଖାଇବା ଠାରୁ ଦୂରେଇ ରହିବା ଉଚିତ୍।
ମାଂସ-ଯଦି ଆପଣ ଅଧିକ ମାଂସ ଖାଆନ୍ତି, ଏହା ରକ୍ତଚାପ ଉପରେ ଖରାପ ପ୍ରଭାବ ପକାଇଥାଏ। ତେଣୁ ଆପଣ ଯଦି ଉଚ୍ଚ ରକ୍ତଚାପରେ ପିଡ଼ିତ ତାହେଲେ ମାଂସ ଖାଇବା ଠାରୁ ଦୂରେଇ ରୁହନ୍ତୁ।
ବ୍ରେଡ-ଅନେକ ଲୋକ ବଟର ସହିତ ବ୍ରେଡ ଖାଇବାକୁ ଖୁବ୍ ପସନ୍ଦ କରନ୍ତି। କିନ୍ତୁ ଏହା ବିଶୋଧିତ ମଇଦାରୁ ତିଆରି ହୋଇଥିବାରୁ ଏହା ଆମ ସ୍ୱାସ୍ଥ୍ୟ ପାଇଁ ହୀତକାରକ ନୁହେଁ । ଏହି କାରଣରୁ, ଶରୀରରେ ସୁଗାର ପରିମାଣ ମଧ୍ୟ ବୃଦ୍ଧି ପାଇବ ଯାହାକି ଉଚ୍ଚ ରକ୍ତଚାପ ପାଇଁ ହାନିକାରକ ହୋଇପାରେ।
କଫି- କଫିରେ କଫିନ୍ ମିଳିଥାଏ, ଯାହା ରକ୍ତଚାପ ବୃଦ୍ଧି କରିବାର ଅନ୍ୟ ଏକ କାରଣ ଅଟେ। ତେଣୁ ଉଚ୍ଚ ରକ୍ତଚାପ ଥିବା ଲୋକଙ୍କୁ କଫି ପିଇବାକୁ ମନା କରାଯାଇଥାଏ। ଅଧିକ ପରିମାଣର କଫିନ୍ ଏବଂ ଚିନି ରକ୍ତଚାପକୁ ଶୀଘ୍ର ବଢ଼ାଇ ଦେଇଥାଏ।
