ମାଲାୟାଲମ ଚଳଚ୍ଚିତ୍ରର ଜଣାଶୁଣା ଲୋକପ୍ରିୟ ନିର୍ଦ୍ଦେଶକ ସିଦ୍ଦିକ ଇସମାଇଲଙ୍କ ପରଲୋକ

ନିରପେକ୍ଷ(ମୁମ୍ବାଇ) ௦୯/௦୮ : ମାଲାୟାଲମ ଚଳଚ୍ଚିତ୍ରର ଜଣାଶୁଣା ଲୋକପ୍ରିୟ ନିର୍ଦ୍ଦେଶକ ସିଦ୍ଦିକ ଇସମାଇଲଙ୍କ ପରଲୋକ ହୋଇଯାଇଛି । ତାଙ୍କୁ ମୃତ୍ୟୁ ବେଳକୁ ୬୩ ବର୍ଷ ବୟସ ହୋଇଥିଲା। ହୃଦଘାତରେ ତାଙ୍କର ମୃତ୍ୟୁ ହୋଇଥିବା ଡାକ୍ତର କହିଛନ୍ତି। ସେ ସଲମାନ ଖାନଙ୍କ ଫିଲ୍ମ ‘ବଡିଗାର୍ଡ’ର ନିର୍ଦ୍ଦେଶନା ଦେଇଥିଲେ। ସିଦ୍ଦିକ ଇସମାଇଲ ମାଲାୟାଲମ ଜଗତର ଜଣେ ଜଣାଶୁଣା ନିର୍ଦ୍ଦେଶକ ଥିଲେ।

ଗତ କିଛି ଦିନ ହେବ ସେ ନିମୋନିଆ ଏବଂ ଯକୃତ ରୋଗରେ ପୀଡିତ ଥିଲେ। ତାଙ୍କ ସ୍ବାସ୍ଥ୍ୟାବସ୍ଥା ଖରାପ ହେବା ପରେ ତାଙ୍କୁ ଚିକିତ୍ଦା ଲାଗି କୋଚିର ଅମୃତା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଚିକିତ୍ସା ସମୟରେ ଏକ୍ସଟ୍ରାକୋରପୋରାଲ ମେମ୍ବ୍ରେନ ସପୋର୍ଟରେ ରଖାଯାଇଥିଲା।

ତାଙ୍କୁ ବଞ୍ଚାଇବାକୁ ଡାକ୍ତରମାନେ ବହୁ ଚେଷ୍ଟା କରିଥିଲେ। ସମସ୍ତେ ଆଶା କରିଥିଲେ ସେ ସୁସ୍ଥ ହୋଇ ଘରକୁ ଆସିବେ, କିନ୍ତୁ ତାହା ହୋଇପାରିଲା ନାହିଁ। ୧୯୮୯ ମସିହାରେ ମାଲାୟାଲମ ଚଳଚ୍ଚିତ୍ର ‘ରାମଜୀ ରାଓ ସ୍ପିକ’ର ନିର୍ଦ୍ଦେଶକ ଭାବରେ ତାଙ୍କ କ୍ୟାରିଅର ଆରମ୍ଭ କରିଥିଲେ। ସେ ‘ହରିହର ନାଗର’, ‘ଗଡଫାଦର’, ‘କାବୁଲିୱାଲା’, ‘ଭିଏତନାମ କଲୋନୀ’ ଏବଂ ‘ହିଟଲର’ ଭଳି ଚଳଚ୍ଚିତ୍ର ପାଇଁ ବେଶ ଜଣାଶୁଣା ଥିଲେ। ତାଙ୍କର ଶେଷ ଚଳଚ୍ଚିତ୍ର ଥିଲା ‘ବିଗ ବ୍ରଦର’, ଯାହା ବକ୍ସ ଅଫିସରେ ହିଟ ବୋଲି ପ୍ରମାଣିତ ହୋଇଥିଲା। ଏହି ଚଳଚ୍ଚିତ୍ରରେ ସୁପରଷ୍ଟାର ମୋହନଲାଲ ଏବଂ ଅଭିନେତା ଅରବାଜ ଖାନ ମୁଖ୍ୟ ଭୂମିକାରେ ଥିଲେ।