ଦିନ ତମାମ ର କିଛି ଗୁରୁତ୍ୱ ପୂର୍ଣ୍ଣ ଖବର

୧-ଆଜି ଶ୍ରୀବିଗ୍ରହଙ୍କ ବନକଲାଗି ନୀତି ଯୋଗୁଁ ସନ୍ଧ୍ୟା ୬ ଟାରୁ ରାତି ୧୧ଟା ପର୍ଯ୍ୟନ୍ତ ବନ୍ଦ ରହିବ ଶ୍ରୀମନ୍ଦିର ସାଧାରଣ ଦର୍ଶନ l

➡️୨-ଏଣିକି ସ୍କୁଲରେ ନାମଲେଖା ପାଇଁ ଆଧାର କାର୍ଡ ବାଧ୍ୟତାମୂଳକ ନୁହେଁ, ଏ ନେଇ ସବୁ ଡିଇଓଙ୍କୁ ଗଣଶିକ୍ଷା ବିଭାଗ ସଚିବ ଲେଖିଲେ ଚିଠି l ପରେ ଆଧାରକାର୍ଡ ପ୍ରସ୍ତୁତ କରି ଜମା କରିପାରିବେ ଛାତ୍ରଛାତ୍ରୀ ।

➡️୩-ବୀର ସହୀଦ ଯବାନ୍‍ମାନଙ୍କୁ ଶ୍ରଦ୍ଧାଞ୍ଜଳି ଜଣାଇବା ଲାଗି ଆଜିଠାରୁ ଦେଶବ୍ୟାପୀ ଆରମ୍ଭ ହେବ ‘ମେରୀ ମାଟି ମେରା ଦେଶ’ କାର୍ଯ୍ୟକ୍ରମ l

➡️୪-ଝାଡଖଣ୍ଡ, ତ୍ରିପୁରା, କେରଳ, ପଶ୍ଚିମବଙ୍ଗ, ଉତ୍ତରାଖଣ୍ଡ ଓ ଉତ୍ତରପ୍ରଦେଶ ୬ରାଜ୍ୟ ପାଇଁ ଉପନିର୍ବାଚନ ତାରିଖ ଘୋଷଣା କଲେ ମୁଖ୍ୟ ନିର୍ବାଚନ କମିଶନ । ସେପ୍ଟେମ୍ବର ୫ରେ ପଡିବ ଭୋଟିଂ, ୮ରେ ହେବ ଗଣତି l

➡️୫-୫-ଟି ସଚିବଙ୍କ କଟକ ଗସ୍ତ: ଚୌଦ୍ୱାରରେ ଶିଳ୍ପ ପ୍ରତିଷ୍ଠା ଓ ଜିଲ୍ଲାର ସମସ୍ତ କଲେଜର ରୂପାନ୍ତରୀକରଣ ପାଇଁ ୬୦କୋଟି ଟଙ୍କାର କଲେ ଘୋଷଣା l

➡️୬-ଏଣିକି ନାରୀ ଅସଦାଚରଣ କଲେ ମିଳିବନି ସରକାରୀ ଚାକିରି, ଏ ନେଇ ରାଜସ୍ଥାନ ମୁଖ୍ୟମନ୍ତ୍ରୀ ଗେହଲୋଟଙ୍କ ଘୋଷଣା l

➡️୭-ଲୋକସଭା ସଦସ୍ୟତା ଫେରି ପାଇବା ପରେ ପୁଣି ଥରେ ସରକାରୀ ବାସଭବନରେ ରହିବେ ରାହୁଲ ଗାନ୍ଧୀ । ୧୨ତୁଗଲକ ରୋଡରେ ଥିବା ଘରକୁ ଫେରିବେ ରାହୁଲ l

➡️୮-ବିଜେଡି ସରକାର ବିରୋଧରେ ଆଜିଠାରୁ ସପ୍ତାହେବ୍ୟାପୀ ଆନ୍ଦୋଳନ କରିବ ବିଜେପି l ଆଜି କ୍ରାନ୍ତିଦିବସରୁ ଏହି ଆନ୍ଦୋଳନ ଆରମ୍ଭ ହୋଇ ଅଗଷ୍ଟ ୧୬ତାରିଖ ପର୍ଯ୍ୟନ୍ତ ଚାଲିବ ।

➡️୯-ହିଂସା ପ୍ରଭାବିତ ହରିୟାଣାର ନୁହ ଜିଲ୍ଲାରେ ଅଗଷ୍ଟ ୧୧ ପର୍ଯ୍ୟନ୍ତ ବନ୍ଦ ରହିବ ମୋବାଇଲ ଇଣ୍ଟରନେଟ୍‌, କର୍ଫ୍ୟୁରେ ହେବ କୋହଳ l

➡️୧୦-ଦକ୍ଷିଣ ଭାରତ ସିନେମା ଜଗତକୁ ଦେଲା ବଡ଼ ଝଟକା, ମଲୟାଲମ ସିନେମା ଜଗତର ପ୍ରସିଦ୍ଧ ନିର୍ଦ୍ଦେଶକ ସିଦ୍ଦିକଙ୍କ ହେଲା ଦେହାନ୍ତ। ସଲମାନଙ୍କ ‘ବଡିଗାର୍ଡ’ ଫିଲ୍ମର କରିଥିଲେ ନିର୍ଦ୍ଦେଶନା l

➡️୧୧-ଅନଲାଇନ ଗେମିଂ ଉପରେ ୨୮ ପ୍ରତିଶତ ଜିଏସଟି ନିଷ୍ପତ୍ତିର ପ୍ରଭାବ, MPL କରିବ ୩୫୦ କର୍ମଚାରୀଙ୍କ ଛଟେଇ l

➡️୧୨-ମଣିପୁର ହିଂସାରେ ଏବେ ସୁଦ୍ଧା ରୁଜୁ ହୋଇଛି ୬୫୦୦ FIR, ସୁପ୍ରିମକୋର୍ଟରେ ତଥ୍ୟ ରଖିଲା ପୋଲିସ l

➡️୧୩-ପୁଣିଥରେ ଭାରତ ଯୋଡୋ ଯାତ୍ରାରେ ବାହାରିବେ ରାହୁଲ ଗାନ୍ଧୀ। ଗୁଜରାଟରୁ ମେଘାଳୟ ଯାଏ କରିବେ ପଦଯାତ୍ରା l

➡️୧୪-ଆସାମ ରାଇଫଲସ୍‌ ବିରୋଧରେ ମଣିପୁର ପୋଲିସ୍‌ର ଏତଲା, ଅପରେସନରେ ହସ୍ତକ୍ଷେପ କରିଥିବା ନେଇ ଆଣିଲା ଅଭିଯୋଗ l

➡️୧୫-ମାଫିଆ ଆତିକ ଅହମ୍ମଦର ପତ୍ନୀ ଶାଇସ୍ତା ପରବୀନ ପରେ ସାର୍ପସୁଟର ଗୁଡ୍ଡୁ ମୁସଲିମକୁ ମଧ୍ୟ ପଳାତକ ହେଲା ଘୋଷଣା l ୩୦ ଦିନ ମଧ୍ୟରେ ଆତ୍ମସମର୍ପଣ ନ କଲେ ଘର ହେବ ବ୍ୟାଜ୍ୟାପ୍ତି l

➡️୧୬-ପୁଣି ବଢ଼ିଲା ଇମରାନ ଖାନ୍‌ଙ୍କ ଅଡ଼ୁଆ। ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମରାନ ଖାନଙ୍କୁ ପାଞ୍ଚ ବର୍ଷ ପର୍ଯ୍ୟନ୍ତ ନିର୍ବାଚନ ଲଢ଼ିବାରୁ ଅଯୋଗ୍ୟ ହେଲା ଘୋଷଣା ।

➡️୧୭-ମଣିପୁରରେ ଆଜି ହେବାକୁ ଥିବା ନାଗା ସମୁଦାୟର ରାଲି ପୂର୍ବରୁ ରାଜ୍ୟରେ ସୁରକ୍ଷା ବ୍ୟବସ୍ଥା ହେଲା କଡ଼ାକଡ଼ି l

➡️୧୮-୩ୟ ଟି-୨୦ : ଗର୍ଜିଲା ସୂର୍ଯ୍ୟଙ୍କ ବ୍ୟାଟ୍, ଓ୍ଵେଷ୍ଟଇଣ୍ଡିଜକୁ ୭ ଓ୍ଵିକେଟ୍‌ରେ ହରାଇ ସିରିଜ୍‌କୁ ପ୍ରତ୍ୟାବର୍ତ୍ତନ କଲା ଭାରତ l

➡️୧୯-ଟି-୨୦ରେ ଇତିହାସ ରଚିଲେ କୁଲଦୀପ ଯାଦବ l ନିଜର ୪ ଓଭର ବୋଲିଂରେ ୨୮ ରନ ଦେଇ ୩ଟି ଗୁରୁତ୍ଵପୂର୍ଣ୍ଣ ଓ୍ଵିକେଟ୍ ନେଇଥିବା ବେଳେ ଅନ୍ତର୍ଜାତୀୟ କ୍ରିକେଟ୍‌ରେ ୫୦ ଓ୍ଵିକେଟ୍ ପୂରଣ କରି ରଚିଲେ ଇତିହାସ l

➡️୨୦-ବିଶ୍ୱକପ ପାଇଁ ସମ୍ଭାବ୍ୟ ୧୯ ଜଣିଆ ଟିମ୍‌ ଇଣ୍ଡିଆ ନେଇ ପ୍ରସ୍ତୁତି ଆରମ୍ଭ, ୪ ଖେଳାଳି ବାହାର ହେବା ଆଶଙ୍କା l