ଆଜି ପ୍ରକାଶ ପାଇବ ଯୁକ୍ତଦୁଇ ମେଧାତାଲିକା

ଆଜି ପ୍ରକାଶ ପାଇବ ଯୁକ୍ତଦୁଇ ଦ୍ୱିତୀୟ ପର୍ଯ୍ୟାୟ ମେଧାତାଲିକା । ରାଜ୍ୟର ଉଚ୍ଚମାଧ୍ୟମିକ ବିଦ୍ୟାଳୟଗୁଡ଼ିକରେ ଯୁକ୍ତଦୁଇ କଳା, ବିଜ୍ଞାନ, ବାଣିଜ୍ୟ, ସଂସ୍କୃତ ଓ ଧନ୍ଦାମୂଳକ ଶିକ୍ଷାରେ ନାମଲେଖା ପାଇଁ ଦ୍ୱିତୀୟ ପର୍ଯ୍ୟାୟ ମେଧାତାଲିକା ପ୍ରକାଶ ପାଇଛି । ଦ୍ୱିତୀୟ ପର୍ଯ୍ୟାୟ ନାମଲେଖା ପ୍ରକ୍ରିୟା ଜୁଲାଇ ୨୦ରୁ ୨୨ତାରିଖ ସୁଦ୍ଧା ସରିବ । ସେହିପରି ଅନଲାଇନ ସ୍ପଟ୍ ନାମଲେଖା ପ୍ରକ୍ରିୟା ଜୁଲାଇ ୨୧ରୁ ଆରମ୍ଭ ହୋଇ ଜୁଲାଇ ୨୭ତାରିଖ ସୁଦ୍ଧା ସରିବ ।

ଅଗଷ୍ଟ ୧ତାରିଖରେ ଏକାଦଶ ଶ୍ରେଣୀର ପାଠପଢା ଆରମ୍ଭ ହେବ । ତେବେ ନାମଲେଖା ପାଇଁ ରାଜ୍ୟର ମୋଟ୍ ୨୧୫୮ ଉଚ୍ଚ ମାଧ୍ୟମିକ ବିଦ୍ୟାଳୟରେ ୫ଲକ୍ଷ ୧୬ହଜାର ସିଟ୍ ରହିଛି । ପ୍ରଥମ ପର୍ଯ୍ୟାୟରେ ୩ଲକ୍ଷ ୮ହଜାର ସିଟରେ ନାମଲେଖା ହୋଇଥିବା ବେଳେ ପ୍ରାୟ ୨ଲକ୍ଷ ସିଟ୍ ବଳକା ରହିଛି । ଏପରିକ୍ଷେତ୍ରରେ ଚଳିତବର୍ଷ ୪ଲକ୍ଷ ୭୨ହଜାର ୨୭୯ଜଣ ଛାତ୍ରଛାତ୍ରୀ ନାମଲେଖା ପାଇଁ ଆବେଦନ କରିଥିବା ବେଳେ ୪ଲକ୍ଷ ୬୭ହଜାର ୩୬୫ଜଣ ଅନଲାଇନ୍ ଫି’ ପୈଠ କରିଛନ୍ତି ।