ଦେଶ ବିଦେଶର କିଛି ଗୁରୁତ୍ୱ ପୂର୍ଣ୍ଣ ଖବର

୧-ଆଜି ଚିତାଲାଗି ଅମାବାସ୍ୟାରେ ଶ୍ରୀମନ୍ଦିରରେ ବିଶେଷ ନୀତି ସହ ତିନିଠାକୁରଙ୍କ ହେବ ଚିତାଲାଗି । ମହାପ୍ରଭୁଙ୍କ ପ୍ରଥମ ଭୋଗ ମଣ୍ଡପ ପରେ ଦାରୁଦିଅଁଙ୍କୁ ଦଇତାପତି ସେବକମାନେ ରତ୍ନଚିତା ଲାଗି କରାଇବେ। ଏହା ଏକ ଗୁପ୍ତ ନୀତି। ଅପରାହ୍ନ ୨ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଚିତାଲାଗି ନୀତି ହେବାକୁ ଥିବାରୁ ଏହି ସମୟରେ ସର୍ବସାଧାରଣ ଦର୍ଶନ ବନ୍ଦ ରହିବ l

➡️୨-ଜୋର୍ ଧରିଲା ଶ୍ରୀମନ୍ଦିର ଚାରିଦ୍ବାର ଦର୍ଶନ ଦାବି, ଆରମ୍ଭ ହେଲା ୧ ଲକ୍ଷ ଦସ୍ତଖତ ସଂଗ୍ରହ ଅଭିଯାନ l ପରେ ଏକ ଲକ୍ଷ ଲୋକଙ୍କ ଦସ୍ତଖତ ଥାଇ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପ୍ରଦାନ କରାଯିବ।

➡️୩-ଚନ୍ଦ୍ର ଅଭିମୁଖେ ଅଗ୍ରସର ଚନ୍ଦ୍ରଯାନ-୩, ସଫଳତାର ସହ ପୃଥିବୀର ପ୍ରଥମ କକ୍ଷ ପଥକୁ ଅତିକ୍ରମ କଲା ସ୍ପେଶ କ୍ରାଫ୍ଟ । ପୃଥିବୀ କକ୍ଷରେ ୫ଥର ଘୂର୍ଣ୍ଣନ କରିବା ପରେ ଚନ୍ଦ୍ରର କକ୍ଷ ପଥକୁ ଓହ୍ଲାଇବ ।

➡️୪-ଆଜି ଶ୍ରାବଣ ମାସର ଦ୍ବିତୀୟ ସୋମବାର, ବିଭିନ୍ନ ଶୈବ ପୀଠରେ ଭୋଳାବାବାଙ୍କୁ ଜଳଲାଗି କରିବେ ହଜାର ହଜାର ଭକ୍ତ l

➡️୫-ଜୁଲାଇ ୨୮ରେ ମିଳିବ ପିଏମ୍ କିଷାନର ୧୪ତମ କିସ୍ତି, ତାରିଖ ହେଲା ଘୋଷଣା, ଦେଶର ପ୍ରାୟ ୯ କୋଟି ଚାଷୀଙ୍କ ଖାତାକୁ ୨ ହଜାର ଟଙ୍କା ଲେଖାଏ ପ୍ରଦାନ କରାଯିବ ।

➡️୬-୨୧ ଯାଏଁ ରାଜ୍ୟରେ ବର୍ଷା ସମ୍ଭାବନା, ଜୁଲାଇ ୧୮ରୁ ୧୯ ଯାଏଁ ୧୭ ଜିଲ୍ଲାକୁ ହେଲା ୟେଲୋ ୱାର୍ଣ୍ଣିଂ ଜାରି l ଏହି ଦିନ କେତେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ ।

➡️୭-ସମ୍ବଲପୁର ଗସ୍ତରେ ୫ଟି ସଚିବ, ମା’ ସମଲେଶ୍ୱରୀଙ୍କୁ ଦର୍ଶନ କରିବା ସହ ସମେଲେଇ ପ୍ରକଳ୍ପର କଲେ ସମୀକ୍ଷା l ଡିସେମ୍ବର ସୁଦ୍ଧା ପ୍ରକଳ୍ପ କାମ ଶେଷ ହେବ ବୋଲି କହିଲେ ଭିକେ ପାଣ୍ଡିଆନ୍ ।

➡️୮-ଅଷ୍ଟ୍ରେଲିଆ ଆକାଶରେ ରାତିର ଆକାଶକୁ ଆଲୋକିତ କଲା ଚନ୍ଦ୍ରୟାନ-୩, ଭାଇରାଲ୍‌ ହେଲା ଫଟୋ l କ୍ୟାମେରାରେ କଏଦ୍‌ କଲେ ଜ୍ୟୋତିର୍ବିଜ୍ଞାନୀ ଡିଲିନ୍ ଓ’ଡୋନେଲ l

➡️୯-ବନ୍ୟା ପ୍ରଭାବିତଙ୍କ ପାଇଁ ୧୦ ହଜାର ଟଙ୍କା କ୍ଷତିପୂରଣ ଘୋଷଣା କଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍। ଏ ନେଇ ଟ୍ୱିଟ୍ କରି ଘୋଷଣା କରିବା ସହ ଯମୁନା କୂଳରେ ରହୁଥିବା ପରିବାର ଲୋକଙ୍କ କ୍ଷତି ପାଇଁ କଲେ ଦୁଃଖ ପ୍ରକାଶ l

➡️୧୦-ଉତ୍ତରପ୍ରଦେଶ ମେରଟର ପରିକ୍ଷିତଗଡ଼ ଅଞ୍ଚଳରେ ୧୧ କେଭି ବିଦ୍ୟୁତ ତାର ଛିଡିପଡିବାରୁ ୬ କାଉଡିଆ ଭକ୍ତଙ୍କ ହେଲା ମୃତ୍ୟୁ, ୫ ଗୁରୁତର l

➡️୧୧-ଗରିବ ବୋଲି କହି ରାକ୍ଷୀ ସାୱନ୍ତଙ୍କ ପାଖରେ କରୁଥିଲା ଡ୍ରାଇଭର ଚାକିରି, ଏବେ କୋଟି କୋଟି ଟଙ୍କା ସହ ଦାମୀ କାର ନେଇ ହେଲା ଫେରାର l

➡️୧୨-ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀଙ୍କ ଯୋଡି ଏବେ ସବୁଠୁ ହିଟ ଯୋଡି। ଦୁହିଁଙ୍କ ଜବରଦସ୍ତ ଅଭିନୟ ଯୋଗୁଁ ଜୁନ୍ ୨୯ରେ ମୁକ୍ତିଲାଭ କରିଥିବା ଫିଲ୍ମ ‘ସତ୍ୟପ୍ରେମ କି କଥା’ ୧୦୦କୋଟି କ୍ଲବରେ ହେଲା ସାମିଲ l

➡️୧୩-କାଶ୍ମୀର ସିନ୍ଧୁ ନଦୀରେ ଖସିଲା ସେନା ଗାଡି, ଫଳରେ ଏଥିରେ ଯାଉଥିବା ୮ଜଣ ସିଆରପିଏଫ୍ ଯବାନ୍ ଆହତ l

➡️୧୪-ଦିଲ୍ଲୀରେ କମିବାରେ ଲାଗିଛି ଯମୁନାର ପାଣି, ଏବେ ବି ସରିନାହିଁ ଦିଲ୍ଲୀବାସୀଙ୍କ ଦୁଃଖ। ରାସ୍ତାରେ ଭରିରହିଛି ପାଣି l

➡️୧୫-ମୋଦୀଙ୍କୁ ତୃତୀୟ ଥର ପ୍ରଧାନମନ୍ତ୍ରୀ କରିବା ପାଇଁ ଆଗକୁ ଆସିଲେ ୨୯ ଟି ଦଳ l ଆସନ୍ତାକାଲି ଏନଡିଏର ବୈଠକରେ ସମସ୍ତ ୨୯ ଦଳ ହେବେ ସାମିଲ ।

➡️୧୬-ଶେଷରେ କେନ୍ଦ୍ର ଅର୍ଡିନାନ୍ସ ବିରୋଧରେ ଆମ୍‌ ଆଦମୀ ପାର୍ଟିକୁ ସମର୍ଥନ କଲା କଂଗ୍ରେସ, ବାଙ୍ଗାଲୋର ରେ ହେବାକୁ ଥିବା ବିରୋଧୀ ବୈଠକରେ ଯୋଗ ଦେବାକୁ ରାଜି ହେଲା ଆପ୍ l ଆଜି ଏବଂ ଆସନ୍ତାକାଲି ହେବ ବୈଠକ l

➡️୧୭-ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟହୁ ହେଲେ ଅସୁସ୍ଥ l ରାମତଗାନସ୍ଥିତ ଶିବା ମେଡିକାଲ ସେଣ୍ଟର ହସ୍ପିଟାଲରେ ହଲେ ଭର୍ତ୍ତି l

➡️୧୮-Global Warming: ଜାପାନଠାରୁ ଆମେରିକା-ୟୁରୋପ, ଭୀଷଣ ଗରମ ପାଇଁ ସବୁଠି ରେଡ୍ ଆଲର୍ଟ, ୪୦ ଡିଗ୍ରୀରେ ଜଳୁଛନ୍ତି ଲୋକେ l

➡️୧୯-ଐତିହାସିକ ହେବାକୁ ଯାଉଛି ଆସନ୍ତା ୨୦ତାରିଖ ରେ ହେବାକୁ ଥିବା ଭାରତ – ଓ୍ବେଷ୍ଟଇଣ୍ଡିଜ ମଧ୍ୟରେ ୨ୟ ଟେଷ୍ଟ ମ୍ୟାଚ l କୁଇନ୍ସ ପାର୍କରେ ଖେଳାଯିବାକୁ ଥିବା ଏହି ମୁକାବିଲା ଦୁଇ ଦଳ ମଧ୍ୟରେ ୧୦୦ତମ ମୁକାବିଲା ହେବ।

➡️୨୦-ଭାରତୀୟ ମହିଳା କ୍ରିକେଟ୍ ଟିମ ଗତକାଲି ବାଂଲାଦେଶଠାରୁ ହେଲା ପରାଜିତ l ବାଂଲାଦେଶ ମହିଳା ଟିମ୍ ପ୍ରଥମ ଥର ପାଇଁ ଭାରତକୁ ହରାଇ ଐତିହାସିକ ବିଜୟ ହାସଲ କରିଛି । ଏହାସହ ତିନି ମ୍ୟାଚ ବିଶିଷ୍ଟ ଶୃଙ୍ଖଳାରେ ୧-୦ରେ ଆଗରେ ରହିଛି ।

➡️୨୧-ଏସୀୟ ଦୌଡକୁଦ ପ୍ରତିଯୋଗିତା, ୧୪ ପଦକ ସହ ୩ୟ ସ୍ଥାନରେ ରହିଲା ଭାରତ l