କୋଇଡା ରେ ବୃଦ୍ଧାକୁ କଚାଡି ମାରିଲା ଦନ୍ତା

କୋଇଡା: କମୁନି ଦନ୍ତା ହାତୀଙ୍କ ଉପଦ୍ରବ ।ବିଭିନ୍ନ ସମୟରେ ନାନା କାଣ୍ଡ ଭିଆଉଛନ୍ତି ।ସୁନ୍ଦରଗଡ଼ ଜିଲ୍ଲା ବରସୁଆଁ ବନଖଣ୍ଡ ଅନ୍ତର୍ଗତ କୋଇଡା ବ୍ଲକ ଡେଙ୍ଗୁଳା ଗ୍ରାମରେ ଘଟିଯାଇଛି ଏକ ଅଭାବନୀୟ ଘଟଣା। ସୂଚନାରୁ ପ୍ରକାଶଯେ ଦୁଇ ଛୁଆଙ୍କ ସହ ଘରେ ସେଇଥିବା ସମୟରେ ସ୍ୱମୀ ପାର୍ବସିଆ ମୁଣ୍ଡା ଓ ସ୍ତ୍ରୀ ସୀତା ମୁଣ୍ଡା, ଆଜି ଭୋର ୫ ଟା ସମୟରେ ଗୋଠଛଡା ଦନ୍ତା ହାତୀ ଖାଦ୍ୟ ଅନେଶ୍ୱଣରେ ଆସି ଘର ଭଙ୍ଗାରୁଜା କରିଥିଲା । ଭଙ୍ଗାରୁଜା ଶବ୍ଦ ଶୁଣି ସ୍ୱାମୀ ସ୍ତ୍ରୀ ତିନଟି ଛୁଆକୁ ଧରି ଘରବାହାରକୁ ଦୌଡ଼ି ପଳାଉଥିବା ସମୟ ଦନ୍ତା ପଛପଟୁ ଆସି ସ୍ତ୍ରୀ ସୀତା ମୁଣ୍ଡାକୁ ଶୁଣ୍ଢରେ ଧରି ତଳେ କଚାଡି ଦଳି ଦେଇଥିଲା। ଯାହାଫଳରେ ଘଟଣା ସ୍ତଳରେ ସୀତା ମୁଣ୍ଡାଙ୍କ ମୃତ୍ୟୁ ହୋଇଛି।

ଖବର ପାଇ କୋଇଡା ପୋଲିସ ଓ ଡେଙ୍ଗୁଲା ଫରେଷ୍ଟର କୃଷ୍ଣ ଚନ୍ଦ୍ର ସାହୁ ଘଟଣା ସ୍ଥଳରେ ପହଁଚି ପରିବାର ବର୍ଗଙ୍କୁ ବୁଝା ସୁଝା କରି ମୃତ ଦେହକୁ ଶବ ବ୍ୟବଚ୍ଛେଦ ପାଇଁ କୋଇଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । ଅନ୍ୟପଟେ ସରକାରଙ୍କ ନିୟମ ଅନୁଯାୟୀ ମୃତକଙ୍କ ପରିବାରକୁ ୬ ଲକ୍ଷ୍ୟ ଟଙ୍କା ଅନୁକମ୍ପା ରାଶି ପ୍ରଦାନର ପକ୍ରିୟା ଆରମ୍ଭ କରିବା ସହ ଶବ ସତ୍କାର ପାଇଁ ନଗଦ ୫0 ହଜାର ଟଙ୍କା ପ୍ରଦାନ କରିଥିଲେ। ହେଲେ ଏଠି ପ୍ରଶ୍ନ ଉଠୁଛି ଗତ 10ଦିନ ହେଲା ହାତୀଟି କୋଇଡା ଡେଙ୍ଗୁଲା ଜନବସ୍ତି ପାଖା ପାଖି ଅଞ୍ଚଳରେ ବୁଲୁଥିବାର ଦେଖା ଯାଉଥିଲେ ମଧ୍ୟ ବନବିଭାଗ ଏଥି ପ୍ରତି ସତର୍କ ହେଉନଥିଲେ କାହିଁକି। ବାରମ୍ବାର ଅଭିଯୋଗ ହେଲେ ମଧ୍ୟ ବିଭାଗୀୟ ଅଧିକାରୀଙ୍କ ଖାମଖିଆଲି ନିତି ଏଘଟଣାର ମୁଖ୍ୟ କାରଣ ବୋଲି ଗ୍ରାମ ବାସୀ ଅଭିଯୋଗ କରିଛନ୍ତି।