ଭିଜିଲାନ୍ସ ପଞ୍ଝାରେ ଲାଞ୍ଚୁଆ କିରାଣି।

ନିରପେକ୍ଷ(ବାରିପଦା) :ଦୁର୍ନୀତିଖୋରଙ୍କ ଭୂସ୍ବର୍ଗ ପାଲଟିଛି ମୟୂରଭଞ୍ଜ ଜିଲ୍ଲା। ଭିଜିଲାନ୍ସ ଜାଲରେ ଲାଞ୍ଚୁଆ କିରାଣି। ବାରିପଦାର ବୃହତ ବନ୍ଦୋବସ୍ତ କାର୍ଯ୍ୟାଳୟର କିରାଣି ମାନସ ଦାସ ଆଜି ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡି ଗିରଫ । ବନ୍ଦୋବସ୍ତ କାର୍ଯ୍ୟାଳୟର କିଛି ଜମିଜମା ସଂପର୍କିତ ରେକର୍ଡର ନକଲ କପି ବାହାର କରିଦେବାକୁ ସେ ଲାଞ୍ଚ ମାଗିଥିଲେ।

କାଗଜପତ୍ର ପାଇଁ ଛଅହଜାର ଟଙ୍କା ଲାଞ୍ଚ ମାଗି ପ୍ରଥମେ ତିନିହଜାର ଟଙ୍କା ନେଇଥିବା ବେଳେ ଆଜି ପୁଣି ତିନିହଜାର ଟଙ୍କା ନେଉଥିଲେ । ପୂର୍ବ ଯୋଜନା ମୁତାବକ ଭିଜିଲାନ୍ସ ବିଭାଗ କିରାଣୀ ମାନସ ଦାସ ଟଙ୍କା ଲାଞ୍ଚ ନେଉଥିବା ବେଳେ ମାଡ଼ି ବସିଥିଲା। ତାଙ୍କ ଠାରୁ ଲାଞ୍ଚ ଟଙ୍କା ମଧ୍ୟ ଜବତ କରିଛି ଭିଜିଲାନ୍ସ। ମୟୂରଭଞ୍ଜ ଜିଲ୍ଲାରେ ପୂର୍ବରୁ ଭିଜିଲାନ୍ସ ଅନେକ ଉଚ୍ଚ ପଦସ୍ଥ ଦୁର୍ନୀତିଖୋର ଅଧିକାରୀଙ୍କୁ ଧରିବାରେ ସକ୍ଷମ ହୋଇଛି। ଆଜି ଭିଜିଲାନ୍ସ ବିଭାଗର ସ୍ୱତନ୍ତ୍ର ସ୍କ୍ୱାର୍ଡ ମାନସ ଦାସଙ୍କ ବାରିପଦା ଏବଂ ବାଲେଶ୍ଵର ଘରେ ମଧ୍ୟ ଯାଞ୍ଚ କରିଛି।