ପୁରୀ ରେ ଅଘଟଣ ,ଗାଧୋଇବା ବେଳେ ସମୁଦ୍ରରେ ଭାସିଗଲେ ପର୍ଯ୍ୟଟକ

ପୁରୀ: ପୁରୀ ସମୁଦ୍ରେ ଅଘଟଣ ,ପୁଣି ପୁରୀ ଦିଗବାରେଣୀ ନିକଟରେ ରିପ କରେଣ୍ଟରେ ପଡ଼ି ସମୁଦ୍ରରେ ଭାସିଗଲେ ଜଣେ ପର୍ଯ୍ୟଟକ । ହରଚଣ୍ଡି ଲାଇଫ ଗାର୍ଡ ଓ କାଳିମା ଲାଇଫ ଗାର୍ଡ ଦ୍ଵାରା ବ୍ଲୁ ଫ୍ଲାଗ ବିଚରୁ ପର୍ଯ୍ୟଟକଙ୍କୁ ଉଦ୍ଧାର କରାଯାଇଛି । ଉଦ୍ଧାର ପର୍ଯ୍ୟଟକଙ୍କ ପରିଚୟ ଜଣା ପଡ଼ିନାହିଁ । ଗୁରୁତର ଅବସ୍ଥାରେ ପର୍ଯ୍ୟଟକଙ୍କୁ ମେଡ଼ିକାଲରେ ଭର୍ତ୍ତି କରାଯାଇଛି ।

ଏହା ପୂର୍ବରୁ ଜୁଲାଇ ୪ରେ ମଧ୍ୟ ପୁରୀ ସମୁଦ୍ରରେ ଗାଧୋଉଥିବା ବେଳେ ବୁଡିଯାଇଥିଲେ ୫ ପର୍ଯ୍ୟଟକ। ଦିଗବାରେଣୀ ଛକ ବେଳାଭୂମିରେ ଗାଧୋଉଥିବା ବେଳେ ରିପ୍ କରେଣ୍ଟରେ ପଡ଼ି ୫ ଜଣ ପର୍ଯ୍ୟଟକ ସମୁଦ୍ର ଭିତରକୁ ଭାସି ଯାଇଥିଲେ । ତେବେ ବୁଡ଼ି ଯାଉଥିବା ପର୍ଯ୍ୟଟକଙ୍କ ପରିବାର ଲୋକେ ଚିତ୍କାର କରିବାରୁ ସେଠାରେ ଉପସ୍ଥିତ ଥିବା ହରଚଣ୍ଡୀ ଲାଇଫ ଗାର୍ଡ ସଦସ୍ୟମାନେ ପର୍ଯ୍ୟଟକଙ୍କୁ ଉଦ୍ଧାର କରିବା‌ ପାଇଁ ସମୁଦ୍ର ଭିତରକୁ ଯାଇଥିଲେ । ସମୁଦ୍ରରେ କରେଣ୍ଟ ଥିବା ସମୟରେ ଲାଇଫ ଗାର୍ଡମାନଙ୍କ କଥା ପର୍ଯ୍ୟଟକମାନେ ମାନୁ ନଥିବାରୁ ଏଭଳି ଦୁର୍ଘଟଣା ଘଟୁଛି ବୋଲି ପୁରୀ ବିଚ୍ ଲାଇଫ ଗାର୍ଡ ମହାସଂଘର ସଭାପତି ବାଡ଼ି ଶିବା ରାଓ କହିଥିଲେ ।