ବର୍ଷାର ଆଗମନରେ ଏବେ ଗାଁ ଠୁ ନେଇ ସହର ଛୋଟ ଠୁ ନେଇ ବୃଦ୍ଧ ସମସ୍ତଙ୍କ ନିକଟରେ ଦେଖିବାକୁ ମିଳୁଛି ଚକ୍ଷୁ ରୋଗ ମାନେ ଆଖି ଧରା ରୋଗ । ହେଲେ କାହିଁକି ହୁଏ ଆଖି ଧରା ରୋଗ । ଏହାର ଲକ୍ଷଣ କଣ ଆସନ୍ତୁ ଜାଣିବା ।
ମଣିଷର ଶରୀର ଭିତରେ ଆଖି ହେଉଛି ସବୁ ଠାରୁ ଅମୂଲ୍ୟ ଓ ସୂକ୍ଷ୍ମ ମଧ୍ୟ । ଭଗବାନଙ୍କ ଏ ସୁନ୍ଦର ସୃଷ୍ଟିକୁ ଆମେ ଆଖି ମାଧ୍ୟମରେ ହିଁ ଦେଖି ପାରି ଥାଉ ଏବଂ ଉପଭୋଗ ମଧ୍ୟ କରି ପାରି ଥାଉ । ତେବେ ବର୍ଷା ଦିନ ଆସିଲେ ଆଖି ଧରା ଏକ ସାଧାରଣ ରୋଗ ଭାବରେ ଦେଖିବାକୁ ମିଳେ । ପ୍ରାୟ ସମସ୍ତେ ଏହି ରୋଗ ଦ୍ଵାରା ଆକ୍ରାନ୍ତ ହୋଇଥାନ୍ତି । ତେଣୁ କୁହାଯାଏ ଆଖି ଧରା ଏକ ଭୂତାଣୁ ଜନିତ ରୋଗ । ଗୋଟିଏ ଗୋଟିଏ ପଟି କୁଲାର ଋତୁରେ ଆଖି ଧରା ରୋଗ ନିଜର କାୟା ବିସ୍ତାର କରିବାକୁ ଲାଗେ । ହେଲେ ଆଖି ଧରା ଏକ ଗୁରୁତର ରୋଗ ନୁହେଁ ଯଦି ଏହାର ପ୍ରାଥମିକ ଚିକିତ୍ସା କରାଯାଏ ତେବେ ତାହା ଖୁବ୍ ଶୀଘ୍ର ଭଲ ହୋଇଯାଏ । ତେବେ ଆଖି ଧରିବାର ଲକ୍ଷଣ ହେଉଛି । ହଟାତ୍ ଆଖି ଫୁଲିଯିବା, ଆଖିରେ ଲେଞ୍ଜରା ଦେବା , ଆଖି ବିନ୍ଧିବା, ଆଖିରୁ ପାଣି ବାହାରିବା ଆଖି ଧରାର ଲକ୍ଷଣ ଅଟେ । ତେବେ ଆଖି ବିଶେଷଜ୍ଞ ମାନେ ଆଖି ଧରାକୁ ଏକ ଡଆଁ ରୋଗ ବୋଲି କହିଥାନ୍ତି । ତେଣୁ ଆଖି ଧରା ବ୍ୟକ୍ତି ସବୁବେଳେ ନିଜକୁ ଗହଳି ଠାରୁ ଦୂରରେ ରଖିବା ଉଚିତ୍ । ନିଜର ପୋଷାକ ଏବଂ ଚଷମାକୁ ଅନ୍ୟକୁ ଦେବା ଉଚିତ୍ ନୁହେଁ । ନିଜ ଆଖି ପୋଛା କପଡ଼ାକୁ ସବୁବେଳେ ଧୋଇବା ଉଚିତ୍ । ଡାକ୍ତରଙ୍କ ବିନା ପରା ମର୍ଷରେ ଆଖିରେ କୌଣସି ଔଷଧ ପକାଇବା ଉଚିତ୍ ନୁହେଁ ।
