ଏଣିକି ଆଇପିସି, ସିଆର୍‌ପିସି ପାଠ ପଢ଼ିବେ ଅବକାରୀ କନେଷ୍ଟବଳ

ନିରପେକ୍ଷ(ଭୁବନେଶ୍ୱର)୦୫/୦୭ : ଆଉ ଦ୍ଵନ୍ଦ ରେ ରହିବେନି ଅବକାରୀ ପୋଲିସ । ଏଣିକି ଆଉ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିବାରେ ସମସ୍ୟା ଦେଖାଯିବନି । କାରଣ ଅବକାରୀ ବିଭାଗରେ କାର୍ଯ୍ୟ କରୁଥିବା କନଷ୍ଟେବଳରୁ ଏଏସ୍‌‌ଆଇ ପାହ୍ୟାର ଅଧିକାରୀ ପଢ଼ିବେ ଆଇନ ପାଠ। ଏନେଇ ଅବକାରୀ ବିଭାଗ ପକ୍ଷରୁ ସରକାରଙ୍କୁ ପ୍ରସ୍ତାବ ଦିଆଯାଇଛି ଖୁବ୍‌‌ ଶୀଘ୍ର ସେମାନେ ଆଇପିସି, ସିଆରପିସି ବିଷୟରେ ଜାଣିବେ।

ପୂର୍ବରୁ ବିଭାଗରେ କାମ କରୁଥିବା କନ୍‌‌ଷ୍ଟେବଳ ଏଏସ୍‌‌ଆଇ(ଆସିଷ୍ଟାଣ୍ଡ ସବ୍‌‌-ଇନ୍ସପେକ୍ଟର) ପାହ୍ୟା ଯାଏ କର୍ମଚାରୀଙ୍କୁ କୌଣସି ପ୍ରକାର ତାଲିମ୍‌‌ ଦିଆଯାଉନଥିଲା। ଫଳରେ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିବାରେ ସମସ୍ୟା ହେଉଥିଲା। ଅଧିକାରୀମାନେ କେଉଁ ଦଫା ଲଗାଇବେ ସେ ନେଇ ଆଇପିସି ଏବଂ ସିଆର୍‌ପିସି ବହି ଖୋଜିବାକୁ ପଡୁଥିଲା।