କୋଲ୍ଡ ଡ୍ରିଙ୍କସ୍‌ ପିଇଲେ ହୋଇପାରେ କ୍ୟାନସର : ବିଶ୍ୱ ସ୍ୱାସ୍ଥ୍ୟ ସଂଗଠନ

ନିରପେକ୍ଷ (ବ୍ୟୁରୋ)30/୦୬: କୋଲ୍ଡ ଡ୍ରିଙ୍କସ୍‌ ପିଇବା ଦ୍ୱାରା କର୍କଟ ରୋଗ ହୋଇପାରେ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ପକ୍ଷରୁ କୁହାଯାଇଛି। ସବୁଠାରୁ ସାଧାରଣ କୃତ୍ରିମ ମିଠା ମଧ୍ୟରୁ ଆସପୋର୍ଟେମ୍ କର୍କଟ ରୋଗ ସୃଷ୍ଟି କରିପାରେ। କେବଳ ଏତିକି ନୁହେଁ, ଏହା ଆସନ୍ତା ମାସରେ ଏକ ପ୍ରମୁଖ ଗ୍ଲୋବାଲ ହେଲ୍ଥ ବଡି ଦ୍ୱାରା ଏକ ସମ୍ଭାବ୍ୟ କର୍ସିନୋଜନ ଘୋଷିତ ହୋଇପାରେ। ବିଶ୍ୱ ସ୍ୱାସ୍ଥ୍ୟ ସଂଗଠନର ଏକ ରିପୋର୍ଟରେ ଏହା ଉଲ୍ଲେଖ ହୋଇଛି। କୋକାକୋଲା ସମେତ ଅନେକ ଥଣ୍ଡାପାନୀୟ ଓ ଚୁଇଙ୍ଗମରେ କୃତ୍ରିମ ମିଠା ବ୍ୟବହାର କରାଯାଉଛି। ଆଉ ଏହି କୃତ୍ରିମ ମିଠାରେ ରହୁଥିବା ଆସପୋର୍ଟେମ କ୍ୟାନସରର କାରକ ବୋଲି ରିପୋର୍ଟରେ ଦର୍ଶାଇଛି ବିଶ୍ୱ ସ୍ୱାସ୍ଥ୍ୟ ସଂଗଠନ।

ହୁ’ ର ରିପୋର୍ଟରେ ଆହୁରି ଉଲ୍ଲେଖ ରହିଛି ଯେ, ସୋଡା ଏବଂ କୋଲା ଭଳି ମୃଦୁ ପାନୀୟ ଠାରୁ ଆରମ୍ଭ କରି ଚୁଇଙ୍ଗମ୍ ଏବଂ କିଛି ସ୍ନାପଲ୍ ପାନୀୟରେ ବ୍ୟବହୃତ ହେଉଥିବା ଆସପୋର୍ଟେମ୍ ଶରୀରରେ କର୍କଟ କୋଷ ସୃଷ୍ଟି କରିପାରେ। ଏହି ବିଷୟରେ, ଆନ୍ତର୍ଜାତୀୟ ଏଜେନ୍ସି ଫର ରିସର୍ଚ୍ଚ ଅନ୍ କ୍ୟାନସର (IARC) କହିଛି ଯେ ଆପଣ ଆସପୋର୍ଟେମ୍ ଥିବା ଖାଦ୍ୟ କମ୍ କିମ୍ବା ଅଧିକ ସେବନ କଲେ ସୁଦ୍ଧା, ଏହା ଆପଣଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଉଛି।