ସୋନିଆ ଗାନ୍ଧୀଙ୍କୁ କାହିଁକି ଭେଟିଲେ ମଲ୍ଲିକାର୍ଜୁନ ଖଡ଼ଗେ…

ନିରପେକ୍ଷ (ବ୍ୟୁରୋ/ନୂଆଦିଲ୍ଲୀ )୨୭/୬ : ପାଖେଇ ଆସୁଛି ନିର୍ବାଚନ ,ଏକଜୁଟ ହେଲେଣି ବିରୋଧୀ ,ଘନ ଘନ ବୈଠକ ,ତେବେ ଆସନ୍ତା ଲୋକସଭା ତଥା ରାଜ୍ୟର ବିଧାନସଭା ନିର୍ବାଚନ ପାଇଁ କଂଗ୍ରେସ ଘନ ଘନ ବୈଠକ କରୁଛି। କେତେକ ରାଜ୍ୟରେ ସ୍ଥିତିରେ ସୁଧାର ଆଣିବାକୁ କଂଗ୍ରେସ ଏବେଠାରୁ ପ୍ରସ୍ତୁତି ଆରମ୍ଭ କରିଦେଇଛି। ମିଳିଥିବା ସୂଚନା ଅନୁସାରେ, କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ସୋନିଆ ଗାନ୍ଧୀଙ୍କୁ ଭେଟିଛନ୍ତି। କଂଗ୍ରେସର ନୂଆ କାର୍ଯ୍ୟ କମିଟିକୁ ନେଇ ଏହି ବୈଠକରେ ଆଲୋଚନା ହେବ।

ସେହିପରି ଜୁନ ୨୯ରେ ଖଡ଼ଗେ ମଧ୍ୟ ଏହି ପ୍ରସଙ୍ଗରେ ରାହୁଲ ଗାନ୍ଧୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ମଲ୍ଲିକାର୍ଜୁନ ଖଡ଼ଗେ ରାହୁଲ ଗାନ୍ଧୀଙ୍କୁ ଭେଟିବା ପରେ ନୂଆ ଦଳର ନାମ ଚୂଡାନ୍ତ କରିପାରନ୍ତି। ଏହି ନୂତନ କାର୍ଯ୍ୟ କମିଟିରେ ଅନେକ ନୂତନ ନେତାଙ୍କ ନାମ ଯୋଡିହେବ ଏବଂ କେତେକ ନାମ ମଧ୍ୟ ବାଦ ଦିଆଯିବ ବୋଲି ଯାଇପାରେ। ଏଥର ଯୁବପିଢ଼ିଙ୍କୁ ବିଶେଷ ପ୍ରାଧାନ୍ୟ ଦିଆଯାଇପାରେ ବୋଲି ରିପୋର୍ଟରେ ପ୍ରକାଶ ପାଇଛି। ଖୁବ୍‌ ଶୀଘ୍ର ନୂତନ କାର୍ଯ୍ୟ କମିଟି ଘୋଷଣା କରାଯିବ ବୋଲି କୁହାଯାଉଛି।