ମହିଳାଙ୍କୁ ମାରି ତାଙ୍କ ମାଂସ ଖାଇଲା ଯୁବକ

ରାଜସ୍ଥାନର ପାଲି ଜିଲ୍ଲାରେ ଘଟିଯାଇଛି ଏକ ବୀଭତ୍ସ ହତ୍ୟାକାଣ୍ଡ। ସରଘନା ଅଞ୍ଚଳରେ ଥିବା ଏକ ଜଙ୍ଗଲରେ ଛେଳି ଚରାଇବା ସମୟରେ ଜଣେ ବୃଦ୍ଧ ମହିଳାଙ୍କୁ ପଥରରେ ଛେଚି ଜଣେ ଯୁବକ ମାରିଦେଇଥିଲା। ବୃଦ୍ଧାଙ୍କୁ ମାରିବା ପରେ ନୃଶଂସ ଯୁବକ ବୃଦ୍ଧାଙ୍କର ମୁହଁର ମାଂସକୁ ନିଜ ଦାନ୍ତରେ କାମୁଡ଼ି ଖାଉଥିବାବେଳେ ଆଖପାଖର ଥିବା ଲୋକମାନେ ଏହା ଦେଖି ଡାକପକାଇବାରୁ ନୃଶଂସ ଜଣକ ନିଜ ଦେହରୁ ସାର୍ଟ କାଢି ମୃତ ବୃଦ୍ଧାଙ୍କ ମୁହଁରେ ଘୋଡ଼ାଇ ଦେଇ ଫେରାର ହୋଇଯାଇଥିଲା। ଏହାପରେ ଲୋକେ ଏନେଇ ପୁଲିସକୁ ସୂଚନା ଦେଇଥିଲେ। ପୁଲିସ ଅଭିଯୁକ୍ତ ଯୁବକକୁ ଗିରଫ କରିଥିଲା। ଉକ୍ତ ଯୁବକର ନାଆଁ ସୁରେନ୍ଦ୍ର ବୋଲି ଜଣାଯାଇଛି। ସେ ମୁମ୍ବାଇର ବାସିନ୍ଦା। ସେ ନିୟମିତ ନିଶା ସେବନ କରୁଥିବା ପୁଲିସ ଜାଣିବାକୁ ପାଇଛି। ମୃତ ବୃଦ୍ଧାଙ୍କ ନାମ ହେଲା ଶାନ୍ତ ଦେବୀ। ଏଭଳି ଘଟଣା ସ୍ଥାନୀୟ ଅଞ୍ଚଳରେ ପ୍ରଥମ ଥର ଘଟିଥିବା ଜଣାଯାଇଛି। ତେବେ ଯୁବକ କାହିଁକି ସେ ଅଞ୍ଚଳକୁ ଆସିଥିଲା, ତାର ତଦନ୍ତ କରୁଛି ପୁଲିସ।