ରାଜଧାନୀରେ ଯୁବକଙ୍କୁ ହତ୍ୟା: କମିସନରେଟ ପୁଲିସର ଅପରେସନ ‘ହ୍ୱାଇଟ ସ୍ପାଇଡର’

ରାଜଧାନୀ ଭୁବନେଶ୍ବରର ୟୁନିଟ -୧ ଜିଇଡି ବସ୍ତିରେ ଏକ ହତ୍ୟାକାଣ୍ଡ ଘଟଣାକୁ ନେଇ ମତ ରଖିଛନ୍ତି ଡିସିପି ପ୍ରତୀକ ସିଂହ। ସରକାରୀ କ୍ୱାଟରରେ ନିଶା କାରବାର ହେଉଥିବା ଖବର ମିଳିବା ପରେ ‘ଖାଲି ଥିବା ସରକାରୀ କ୍ୱାଟରରେ କମିଶନରେଟ ପୁଲିସ ଚଢ଼ାଉ କରିବା ସହ ଅପରେସନ ହ୍ବାଇଟ୍‌ ସ୍ପାଇଡର୍‌ ମାଧ୍ୟମରେ ପୁଲିସ ପେଟ୍ରୋଲିଂ କରି ଖାଲିଥିବା ସରକାରୀ କ୍ୱାଟର ଗୁଡିକରେ ଯାଞ୍ଚ କରିବ। ‌ତେବେ ଅଭିଯୁକ୍ତଙ୍କୁ ଧରିବା ପାଇଁ ଏକ ସ୍ୱତନ୍ତ୍ର ଟିମ ଗଠନ ହୋଇଛି। ଘଟଣା ଘଟାଇଥିବା ୪ ଜଣ ଅଭିଯୁକ୍ତଙ୍କୁ ଚିହ୍ନଟ କରାଯାଇଛି। ପୂର୍ବ ଶତ୍ରୁତା କୁ କେନ୍ଦ୍ର କରି ଏହି ଘଟଣା ଘଟିଛି। ଖୁବ ଶୀଘ୍ର ସମସ୍ତ ଅଭିଯୁକ୍ତଙ୍କୁ ଗିରଫ କରାହେବ ବୋଲି ଡିସିପି ପ୍ରତୀକ ସିଂ ମତ ରଖିଥିଲେ |

କହିରଖୁଛୁ କି, ୟୁନିଟ -୧ ଜିଇଡି ବସ୍ତିରେ ପାରିବାରିକ କଳହ ଯୋଗୁ ୩ରୁ ୪ ଜଣ ଯୁବକ ମିଶି ଜଣଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ମୃତକ ସୁଶାନ୍ତ ନାୟକ ଭୋର ୪ଟା ସମୟ‌ରେ ତାଙ୍କ ସ୍ତ୍ରୀଙ୍କୁ ଚାକିରୀରେ ଛାଡି ଫେରୁଥିବା ସମୟରେ ହତ୍ୟାକାରୀ ତାଙ୍କୁ ଖଣ୍ଡାରେ ଆକ୍ରମଣ କରିଥିଲେ। ଘଟଣାସ୍ଥଳରେ କ୍ୟାପିଟାଲ ଥାନା ପୁଲିସ ପହଞ୍ଚି ତଦନ୍ତ କରୁଛି।