ଜୟପୁର ଯୋଜନା ଭବନରୁ ମିଳିଲା ୨ କୋଟିରୁ ଊର୍ଦ୍ଧ୍ବ ଟଙ୍କା ଓ ୧ କିଲୋ ସୁନା

ଜୟପୁରସ୍ଥିତ ସରକାରୀ କାର୍ଯ୍ୟାଳୟ ‘ଯୋଜନା ଭବନ’ର ବେସ୍‌ମେଣ୍ଟ୍‌ ଆଲମାରିରେ ଗୋଟାଏ ବ୍ୟାଗ୍‌ରୁ ୨.୩୧ କୋଟିରୁ ଅଧିକ ନଗଦ ଟଙ୍କା ଏବଂ ପ୍ରାୟ ୧ କିଲୋ ସୁନା ବିସ୍କୁଟ୍‌ ମିଳିଛି। ରାଜସ୍ଥାନ ସରକାରୀ ଅଧିକାରୀମାନେ ଶୁକ୍ରବାର ଦିନ ଏ ସମ୍ପର୍କରେ ପୁଲିସକୁ ସୂଚନା ଦେଇଛନ୍ତି ।ଏ ବିଷୟରେ ଜେରା କରିବା ଲାଗି ଉକ୍ତ ବିଭାଗର ପ୍ରାୟ ୭/୮ କର୍ମଚାରୀଙ୍କୁ ପୁଲିସ ଅଟକ ରଖିଛି। ଆଡିସ୍‌ନାଲ୍‌ ଡାଇରେକ୍ଟର୍‌ ମହେଶ ଗୁପ୍ତାଙ୍କ ସୂଚନା ଆଧାରରେ ଜୟପୁର ସିଟି ପୁଲିସ ଉକ୍ତ ନଗଦ ଟଙ୍କା ଉଦ୍ଧାର କରିଛି। ପୁଲିସ ଟିମ୍‌ ଉକ୍ତ ଘଟଣାର ତଦନ୍ତ ଆରମ୍ଭ କରିଛି।ସେ ଅଞ୍ଚଳରେ ଥିବା ‘ସିସିଟିଭି’ ଫୁଟେଜ୍‌ ଯାଞ୍ଚ କରାଯାଉଛି। ମୁଖ୍ୟମନ୍ତ୍ରୀ ଅଶୋକ ଗେହ୍‌ଲଟ୍‌ଙ୍କୁ ମଧ୍ୟ ଏ ସଂକ୍ରାନ୍ତରେ ଅବଗତ କରାଇ ଦିଆଯାଇଥିବା କଥା ସେ କହିଛନ୍ତି।