ବିକ୍ରି ହେଲା ଗୁଗୁଲ୍‌ ସିଇଓ ସୁନ୍ଦର ପିଚାଇଙ୍କ ଘର : ଘରକୁ କିଣିଲେ ଏହି ଅଭିନେତା

ଦୁନିଆର ସବୁଠାରୁ ବଡ଼ ସର୍ଚ୍ଚ ଇଞ୍ଜିନ ଗୁଗୁଲ୍‌ର ସିଇଓ ସୁନ୍ଦର ପିଚାଇଙ୍କ ଚେନ୍ନାଇସ୍ଥିତ ପୈତୃକ ଘର ବିକ୍ରି ହୋଇଯାଇଛି। ତାଙ୍କର ଏହି ପୈତୃକ ଘରକୁ ତାମିଲ ଅଭିନେତା ତଥା ନିର୍ଦ୍ଦେଶକ ସି ମାଣିକନନ୍ଦନ କିଣିଥିବା ଜଣାପଡିଛି । ତେବେ ଏହି ଘରକୁ କେତେ ଟଙ୍କାରେ ପିଚାଇ ବିକ୍ରି କରିଛନ୍ତି ତାହା ଏବେ ପର୍ଯ୍ୟନ୍ତ ଜଣା ପଡ଼ିନାହିଁ।

ସୁନ୍ଦର ପିଚାଇଙ୍କ ଏହି ଘର ଚେନ୍ନାଇର ଅଶୋକ ନଗର‌ରେ ରହିଛି। ତେବେ ଘର ବିକ୍ରି କରିବାକୁ ରହିଥିବା ସମସ୍ତ ଆଇନ୍‌ ପ୍ରକ୍ରିୟା ପୂରା ହୋଇସାରିଛି। ପିଲାଦିନ କଟିଥିବା ଏହି ଘରର କାଗଜପତ୍ର ଦେବା ବେଳେ ଭାବୁକ ହୋଇଯାଇଥିଲେ ପିଚାଇ | ଗଣମାଧ୍ୟମ‌ରେ ନିଜର ମତ ରଖି ମଣିକନନ୍ଦନ କହିଛନ୍ତି, ‘ସୁନ୍ଦର ପିଚାଇ ହେଉଛନ୍ତି ଆମ ଦେଶର ଗୌରବ। ସେ ଯେଉଁ ଘରେ ରହୁଥିଲେ ତାହାକୁ କିଣିବା ମୋ ପାଇଁ ସୌଭାଗ୍ୟର କଥା।’