ରାଜ୍ୟରେ ଦିନକୁ ଦିନ ବଡିବାରେ ଲାଗିଛି ତାତି । ଅସହ୍ୟ ଗୁଳୁଗୁଳିରେ ଡହକବିକଳ ହେଉଛି ଜୀବନ । ଘରୁ ବାହାରକୁ ବାହାରିଲେ ସୂର୍ଯ୍ୟଙ୍କ ଦାଉ ଦେଖିବାକୁ ମିଳୁଥିବା ବେଳେ, ଘରେ ଅସହ୍ୟ ଗରମ ମଣିଷକୁ କଲବଲ କରିସାରିଲାଣି । ଏହାରି ମଧ୍ୟରେ ଦିନକୁ ଦିନ ଉପରମୁହାଁ ହେବାରେ ଲାଗିଛି ପାରଦ । ଦିନ ୧୧ ସୁଦ୍ଧା ସର୍ବାଧିକ ତାପମାତ୍ରା ସମ୍ବଲପୁର ସହରରେ ୪୦,୨ ଡିଗ୍ରୀ ରେକର୍ଡ କରାଯାଇଛି ।
ପାଣିପାଗ ବିଭାଗ ସୂଚନାନୁସାରେ ଆଜି ସମ୍ବଲପୁରରେ ୪୦.୨ ଡିଗ୍ରୀ, ଝାରସୁଗୁଡା ୪୦ ଡିଗ୍ରୀ, ହୀରାକୁଦ ୩୯ ଡିଗ୍ରୀ, କେନ୍ଦୁଝର ୩୬.୨, ଚାନ୍ଦବାଲି ୩୬ ଡିଗ୍ରୀ, ଭୁବନେଶ୍ୱର ୩୫.୪ ଡିଗ୍ରୀ, ବାଲେଶ୍ୱର ୩୪.୪ ଡିଗ୍ରୀ, ଗୋପାଳପୁର ୩୩.୪ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।
