ଓଡ଼ିଶାକୁ ବାତ୍ୟା ଭୟ ନାହିଁ!

କୁଆଡ଼େ ମୁହାଁଇବ ସମ୍ଭାବ୍ୟ ବାତ୍ୟା? ବିଭିନ୍ନ ପାଣିପାଗ ସଂସ୍ଥା ଆକଳନ କରିଛନ୍ତି, ବାତ୍ୟା ମିଆଁମାର ଉପକୂଳ ଛୁଇଁପାରେ । ୱିଣ୍ଡିର ଆମେରିକାନ୍ ଜିଏଫ୍‌ଏସ୍ ଓ ୟୁରୋପିଆନ୍ ଇଏମ୍‌ଡବ୍ଲ୍ୟୁଏଫ୍ ମଡେଲର ଆକଳନ କହୁଛି ମିଆଁମାର ମୁହାଁ ହେବ ବାତ୍ୟା । ଇଏମଡବ୍ଲ୍ୟୁଏଫ୍ ୧୪ତାରିଖ ସକାଳେ ସ୍ଥଳଭାଗ ଛୁଇଁବ ବୋଲି ଦର୍ଶାଉଛି । ଜିଏଫ୍‌ଏସ୍ ମଡେଲ୍ ଦର୍ଶାଉଛି ୧୩ତାରିଖରେ ସମ୍ଭାବ୍ୟ ବାତ୍ୟା ମିଆଁମାର ଉପକୂଳକୁ ହିଟ୍ କରିପାରେ ।

ସେହିପରି ସ୍କାଏମେଟ୍ ପୂର୍ବାନୁମାନ କରିଛି, ବାଂଲାଦେଶ ଓ ମିଆଁମାର ଉପକୂଳ ମୁହାଁଇବ ସମ୍ଭାବ୍ୟ ସାଇକ୍ଲୋନ୍ । ଓଡ଼ିଶା ଓ ପଶ୍ଚିମବଙ୍ଗକୁ ନାହିଁ ବାତ୍ୟା ଭୟ । କାଲି ବଙ୍ଗୋପସାଗରରେ ଅବପାତ ସୃଷ୍ଟି ହେବ । ୯ତାରିଖ ବେଳକୁ ଗଭୀର ଅବପାତ ଓ ୧୦ରେ ହେବ ବାତ୍ୟା । ୧୨ତାରିଖରେ ସିଭିୟର ସାଇକ୍ଲୋନିକ୍ ଷ୍ଟର୍ମରେ ପରିଣତ ହେବ । ଅନ୍ତର୍ଜାତୀୟ ପାଣିପାଗ ସଂସ୍ଥା ଆକ୍ୟୁ ୱେଦର ବିଜ୍ଞାନୀ ଜାସନ୍ ନିକଲସ୍ ଙ୍କ ଆକଳନ କହୁଛି, ବାତ୍ୟା ମିଆଁମାର-ବାଂଲାଦେଶ କିମ୍ବା ଦକ୍ଷିଣପୂର୍ବ ଭାରତ ଉପରେ ପ୍ରଭାବ ପକାଇପାରେ । ଅର୍ଥାତ୍ ବର୍ତ୍ତମାନ ପରିସ୍ଥିତିରେ ଓଡ଼ିଶା ପ୍ରତି ବିପଦ ନାହିଁ ।