ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ

ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ । ଆସନ୍ତା ୨୪ ଘଣ୍ଟା ମଧ୍ୟରେ ଘୂର୍ଣ୍ଣବଳୟ ଘନୀଭୂତ ହୋଇ ଲଘୁଚାପରେ ପରିଣତ ହୋଇପାରେ । ସେହିପରି ଆସନ୍ତା ୮ ତାରିଖ ସୁଦ୍ଧା ବଳ ବଢାଇ ଡିପ୍ରେସନ ଅର୍ଥାତ ଅବପାତରେ ପରିଣତ ହେବ । ତେବେ ଆସନ୍ତା ୨୪ ଘଣ୍ଟା ପରେ ଚିତ୍ର ସ୍ପଷ୍ଟ ହେବ । ଏବଂ ଏହାପରେ ସମ୍ଭାବ୍ୟ ବାତ୍ୟାର ଗତିପଥ ଓ ତୀବ୍ରତା ଆକଳନ କରାଯାଇପାରିବ ।

ଅନ୍ୟପଟରେ ଆଜିଠାରୁ ରାଜ୍ୟରେ କମିବ କାଳବୈଶାଖୀର ପ୍ରଭାବ । ସେହିପରି ରାଜ୍ୟର ଅନେକ ସ୍ଥାନରେ ୩ ରୁ ୫ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବଢିବ । ୮ ତାରିଖରେ ଭୁବନେଶ୍ୱର, କଟକ, ଯାଜପୁର, କେନ୍ଦ୍ରାପଡା ଇତ୍ୟାଦି ଜିଲ୍ଲାର ତାପମାତ୍ରା ୩୮ ଡିଗ୍ରୀ ଛୁଇଁପାରେ । ସେହିପରି ପଶ୍ଚିମ ଓଡିଶାରେ ତାପମାତ୍ରା ୪୦ ଡିଗ୍ରୀ ସେଲସିୟର ରହିବ ।