ପର୍ବତ ଅତଡ଼ାରୁ ଖସି ପଡ଼ିଲା ବସ୍‌ : ୧୮ ମୃତ, ୩୩ ଆହତ

ପଶ୍ଚିମ ମେକ୍ସିକୋରେ ପର୍ବତ ଅତଡ଼ାରୁ ଗୋଟିଏ ବସ୍‌ ଖସିପଡିଥିବା ଜଣାପଡିଛି | ଏହି ଦୁର୍ଘଟଣାରେ ଅନ୍ୟୂନ ୧୮ଜଣ ବ୍ୟକ୍ତିଙ୍କର ମୃତ୍ୟୁ ଘଟିଛି ଓ ୩୩ଜଣ ଆହତ ହୋଇଛନ୍ତି । ଶନିବାର ରାତିରେ ଗାଡ଼ିଟି ପ୍ରାୟ ୧୫ ମିଟର୍‌ ଉଚ୍ଚ ପର୍ବତ ଅତଡ଼ାରୁ ତଳେ ପ୍ରବାହିତ ପାହାଡ଼ୀ ନଈକୁ ଖସିପଡ଼ିଥିଲା।

ଏହି ଅତଡ଼ାଟି ରାଜ୍ୟ ରାଜଧାନୀ ତେପିକ୍‌କୁ ପର୍ଯ୍ୟଟନସ୍ଥଳୀ ପୁଏଟୋ ବାର୍ଲାଟା ସହିତ ସଂଯୋଗ କରୁଥିବା ରାଜପଥ ଅନ୍ତର୍ଗତ ବୋଲି ଦୁର୍ଘଟଣା ଘଟିଥିବା ନାୟାରିଟ୍‌ ପ୍ରଦେଶରେ ଥିବା ପ୍ରୋସିକ୍ୟୁଟର୍‌ ଅଫିସ୍‌ କହିଛି | ଏହି ଦୁର୍ଘଟଣାରେ ୧୧ ମହିଳା ଓ ୭ଜଣ ପୁରୁଷଙ୍କର ମୃତ୍ୟୁ ଘଟିଛି। ଚିକିତ୍ସା ନିମନ୍ତେ ଅନ୍ୟୂନ ୧୧ଜଣଙ୍କୁ ବିଭିନ୍ନ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ପ୍ରୋସିକ୍ୟୁଟର୍‌ ଅଫିସ୍‌ ଟ୍ୱିଟ କରି ଜଣାଇଛି |