କମ୍ ମାର୍କ ପାଇଁ ମିଳିଲାନି ଭଡ଼ା ଘର

କମ୍ ମାର୍କ ପାଇଁ ମିଳିଲାନି ଘରଭଡ଼ା । ଦ୍ୱାଦଶରେ କମ୍ ମାର୍କ ରଖିଥିବା ଯୋଗୁଁ ମାଲିକ ନିଜ ଘର ଭଡ଼ାରେ ଦେବାକୁ ସ୍ପଷ୍ଟ ମନା କରିଦେଇଛନ୍ତି । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ବେଙ୍ଗାଲୁରୁରେ । ବେଙ୍ଗାଲୁରୁର ଜଣେ ଘର ମାଲିକ ଦ୍ୱାଦଶ ଶ୍ରେଣୀରେ ୭୫ପ୍ରତିଶତ ସ୍କୋର କରିଥିବା ବ୍ୟକ୍ତିଙ୍କୁ ତାଙ୍କ ଆପାର୍ଟମେଣ୍ଟ୍ ଦେବାକୁ ସ୍ପଷ୍ଟ ମନା କରିଦେଇଛନ୍ତି । ସୂଚନା ମୁତାବକ ଯୁବକ ଜଣଙ୍କୁ ପ୍ରଥମେ ଘରମାଲିକ ଘର ଭଡ଼ାରେ ଦେଇଥିଲେ ଏବଂ ପରବର୍ତ୍ତି ସମୟରେ ୯୦ପ୍ରତିଶତ ମାର୍କ ନରଖିଲେ ଘରୁ ବାହାର କରିଦେବେ ବୋଲି ସର୍ତ୍ତ ରଖିଥିଲେ ।

ହେଲେ ଦୁର୍ଭାଗ୍ୟବସତଃ ବିଦ୍ୟାର୍ଥୀ ଜଣକଙ୍କର ଦ୍ୱାଦଶରେ ୭୫ପ୍ରତିଶତ ମାର୍କ ରଖିବାରୁ ତାଙ୍କୁ ଘରୁ ବାହାର କରିଦେଇଛନ୍ତି । ଏନେଇ ବ୍ୟକ୍ତି ଜଣଙ୍କ ଟ୍ୱିଟରରେ ସେୟାର କରିଛନ୍ତି ଦ୍ୱାଦଶରେ ତାଙ୍କର ମାର୍କ କମ୍ ଥିବାରୁ ଜଣେ ସମ୍ପର୍କୀୟ ଜମିଦାର ତାଙ୍କୁ କିଭଳି ପ୍ରତ୍ୟାଖ୍ୟାନ କରିଥିଲେ । ଏବେ ନୂଆ ଯାଗାରେ ଭଡ଼ାଘର ପାଇଁ ମାଲିକ ମାଗିଥାଆନ୍ତି ଅନେକ ଡକ୍ୟୁମେଣ୍ଟ୍ । ଆଧାର ଓ ପାନ କାର୍ଡ ସହ ଦେବାକୁ ପଡିଥାଏ । କେଉଁଠି ବ୍ୟାଚଲରଙ୍କୁ ଘର ଦେବାକୁ ମାଲିକ ଅରାଜି ତ ପୁଣି କେଉଁଠି ଫ୍ୟାମିଲିକୁ ଘର ଭଡ଼ାରେ ଦେବାକୁ ମନା କରିଦେଉଛନ୍ତି । ହେଲେ ବାଙ୍ଗାଲୋରରେ ଜଣେ ବ୍ୟକ୍ତି ନିଜର ଦ୍ୱାଦଶ ଶ୍ରେଣୀରେ କମ୍ ମାର୍କ ରଖିବାରୁ ତାଙ୍କୁ ଘର ମାଲିକ ଜଣଙ୍କ ବାହାର କରିଦେଇଛନ୍ତି ।