ସୋନିଆଙ୍କୁ ବିଷକନ୍ୟା କହିଲେ ବିଜେପି ବିଧାୟକ

କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ବିଷକନ୍ୟା ବୋଲି କହିଛନ୍ତି ବିଜେପି ବିଧାୟକ ୟତନାଲ । ଏକ ଜନସଭାକୁ ସମ୍ବୋଧିତ କରି ସୋନିଆଙ୍କ ବିରୋଧରେ ୟତନାଲ ଦେଇଛନ୍ତି ଏଭଳି ବିବାଦୀୟ ବୟାନ । ଯାହାକୁ ନେଇ ଏବେ ଦେଶର ରାଜନେୀତିରେ ସୃଷ୍ଟି ହୋଇଛି ବିରାଟ ଝଡ଼ । କର୍ଣ୍ଣାଟକ ବିଧାନସଭା ନିର୍ବାଚନକୁ ଆଉମାତ୍ର କେଇଦିନ ବାକିଥିବା ବେଳେ ଏହାପୂର୍ବରୁ ଆରମ୍ଭ ହୋଇଯାଇଛି ଆରୋପ ଓ ପ୍ରତ୍ୟାରୋପର ପର୍ବ । ଗତକାଲି କଂଗ୍ରେସର ବରିଷ୍ଠ ନେତା ତଥା ଅଧ୍ୟକ୍ଷ ମଲ୍ଲିକାର୍ଜ୍ଜୁନ ଖଡଗେ ମୋଦୀଙ୍କୁ ବିଷଧର ସାପ ବୋଲି କହିଥିଲେ ।

ପରେ ଖଡଗେଙ୍କ ଏଭଳି ଟିପ୍ପଣୀକୁ ନେଇ ତାଙ୍କୁ ଘେରିଥିଲେ ବିଜେପି ବିଧାୟକ । ପରେ ଏହି ମାମଲାରେ କ୍ଷମା ମାଗିବା ସହ ନିଜର ଟିପ୍ପଣୀ ବଦଳାଇଥିଲେ ଖଡଗେ । ଆଜି ପୁଣିଥରେ ଜଣେ ବିଜେପି ବିଧାୟକ କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ବିଷକନ୍ୟା ବୋଲି କହି ଏକ ନୂଆ ବିବାଦରେ ଛନ୍ଦି ହୋଇଛନ୍ତି । ସୂଚନା ମୁତାବକ ଆଜି କୋପ୍ପଲରେ ଏକ ଜନସଭାରେ ସମ୍ବୋଧିତ କରିବା ବେଳେ ବିଜପେି ବିଧାୟକ ୟତନାଲ ସୋନିଆଙ୍କୁ ବିଷକନ୍ୟା ବୋଲି କହିବା ସହ ଚାଇନାର ଏଜେଣ୍ଟ୍ ବୋଲି କହିଛନ୍ତି । ଯାହାକୁ ନେଇ ଏବେ ସୃଷ୍ଟି ହୋଇଛି ରାଜନୈତୀକ ଝଡ଼ ।