ଜିଆ ଖାନ୍ କେସ୍ : ନିର୍ଦ୍ଦୋଶରେ ଖଲାସ ହେଲେ ସୁରଜ ପଞ୍ଚୋଲି

ବହୁ ଚର୍ଚ୍ଚିତ ଜିଆ ଖାନ୍ ମର୍ଡର କେସରେ ନିର୍ଦ୍ଦୋଶରେ ଖଲାସ ହୋଇଛନ୍ତି ପ୍ରଖ୍ୟାତ ବଲିଉଡ୍ ଅଭିନେତା ଆଦିତ୍ୟ ପଞ୍ଚୋଲିଙ୍କ ପୁଅ ସୁରଜ୍ । ସୂଚନା ମୁତବାକ ଗତ ଜୁନ୍ ୨୦୧୩ରେ ମୁମ୍ବାଇସ୍ଥିତ ଜିଆଙ୍କ ଘରେ ତାଙ୍କୁ ମୃତ ଅବସ୍ଥାରେ ଉଦ୍ଧାର କରିଥିଲା ପୋଲିସ । ୨୫ବର୍ଷିୟ ଜିଆ ପ୍ରଥମେ ଆତ୍ମହତ୍ୟା କରିଛନ୍ତି ବୋଲି କୁହାଯାଉଥିବା ବେଳେ ଜିଆଙ୍କ ମା’ କିନ୍ତୁ ଏହାକୁ ଏକ ହତ୍ୟାକାଣ୍ଡ ବୋଲି ଦାବି କରିଥିଲେ । ଆଦିତ୍ୟଙ୍କ ପୁଅ ସୁରଜ ତାଙ୍କ ଝିଅ ଜିଆଙ୍କୁ ହତ୍ୟା କରିଥିବା ଏଫଆଇଆରରେ ଉଲ୍ଲେଖ କରିଥିଲେ ଜିଆଙ୍କ ମା’ ରାବିଆ ଖାନ୍ ।

ସେହିପରି ପୋଲିସ ମଧ୍ୟ ଜିଆଙ୍କ ମୃତଦେହ ଉଦ୍ଧାର କରିବା ସହ ଜୁନ୍ ୧୦ତାରିଖରେ ଜିଆଙ୍କର ଏକ ହାତଲେଖା ଚିଠି ମଧ୍ୟ ପାଇଥିଲା । ପରେ ଜିଆଙ୍କ ଚିଠିକୁ ତଦନ୍ତ ପରିସରଭୁକ୍ତ କରିବା ସହ ସୁରଜ ପଞ୍ଚୋଲିଙ୍କୁ ଏହି ଘଟଣାରେ ଅଭିଯୁକ୍ତ ଦର୍ଶାଇ ଗିରଫ ମଧ୍ୟ କରିଥିଲା । ଆଇପିସିର ଧାରା ୩୦୬ରେ ଏକ ମାମଲା ରୁଜୁ କରିଥିଲା ପୋଲିସ । ପରେ ସିବିଆଇ ଏହି ଘଟଣାର ତଦନ୍ତ କରିବା ସହ ଜିଆଙ୍କୁ ହତ୍ୟା କରାଯାଇଥିବା ସ୍ପଷ୍ଟ କରିଛି । ପରେ ଏହି ଘଟଣାରେ ଶୁଣାଣି କରିବା ସହ ଆଦିତ୍ୟ ପଞ୍ଚୋଲିଙ୍କ ପୁଅ ସୁରଜଙ୍କୁ ନିର୍ଦ୍ଦୋଶରେ ଖଲାସ କରିଛନ୍ତି କୋର୍ଟ । ରିପୋର୍ଟ ଲେଖାଯିବା ପର୍ଯ୍ୟନ୍ତ ଘଟଣାର ଅଧିକ ତଥ୍ୟକୁ ଅପେକ୍ଷା କରାଯାଇଛି ।