‘ବିଜେପି ଓ ଆରଏସଏସ୍ ପାଇଁ ମୁଁ କରୋନା’

ଉଭୟ ବିଜେପି ଓ ଆରଏସଏସ ପାଇଁ ମୁଁ ହେଉଛି କରୋନା ଭାଇରସ୍ । ଏଭଳି ଟିପ୍ପଣୀ ଦେଇଛନ୍ତି ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂ । ଦିଗବିଜୟଙ୍କର ଏଭଳି ବୟାନ ଏବେ ଦେଶର ରାଜନୀତିରେ ହଟଚମଟ ସୃଷ୍ଟି କରିଛି । ସୂଚନା ମୁତାବକ ମଧ୍ୟପ୍ରଦେଶ ଜଳ ସଂଶାଧନ ମନ୍ତ୍ରୀ ତୁଳସୀରାମ ସିଲାବଟ କିଛିଦିନ ପୂର୍ବରୁ ଦିଗବିଜୟ ସିଂଙ୍କୁ କଂଗ୍ରେସର କରୋନା ଭାଇରସ୍ ବୋଲି କହିଥିଲେ । ପରେ ସିଲାବଟଙ୍କ ଏଭଳି ଟିପ୍ପଣୀ ଉପରେ ପ୍ରତିକ୍ରିୟା ରଖି ଦିଗବିଜୟ ସିଂ କହିଛନ୍ତି କଂଗ୍ରେସ ନୁହେଁ ବିଜେପି ଓ ଆରଏସଏସ ପାଇଁ ମୁଁ ହେଉଛି କରୋନା ଭାଇରସ୍ । ସେହିପରି ଦିଗବିଜୟଙ୍କର ଏଭଳି ବୟାନ ଉପରେ ପ୍ରତିକ୍ରିୟା ରଖିଛନ୍ତି ବିଜେପିର ରାଜ୍ୟସଭା ସାଂସଦ ।

ସୂଚନା ମୁତାବକ ଗତକାଲି କଂଗ୍ରେସର ବରିଷ୍ଠ ନେତା ତଥା ମଧ୍ୟପ୍ରଦେଶ ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂ ଉଭୟ ବିଜେପି ଓ ତା’ର ସଂରକ୍ଷକ ରାଷ୍ଟ୍ରୀୟ ସ୍ୱୟଂ ସେବକ ସଂଘର କାର୍ଯ୍ୟକଳାପ ପାଇଁ ନିନ୍ଦା କରିଥିଲେ । ଏହାସହ ସେ ଉଭୟ ବିଜେପି ଓ ଆରଏସସ ପାଇଁ କରୋନା ଭାଇରସ୍ ବୋଲି କହିଥିଲେ । ଏହାର ଗୋଟିଏଦିନ ପରେ ମଧ୍ୟପ୍ରଦେଶ ମନ୍ତ୍ରୀ ଶ୍ରୀ ସିଲାବଟ୍ ଦିଗବିଜୟଙ୍କୁ କଡ଼ା ସମାଲୋଚନା କରିଛନ୍ତି । ଏହାସହ ମନ୍ତ୍ରୀ ସିଲାବଟ୍ କହିଛନ୍ତି, ୭୬ବର୍ଷିୟ କଂଗ୍ରେସ ନେତା ଦିଗବିଜୟଙ୍କ ପାଇଁ ମୁଁ ଭଗବାନ ମହାକାଳଙ୍କ ନିକଟରେ ପ୍ରାର୍ଥନା କରୁଛି ସେ ପରଜନ୍ମରେ ଚୀନରେ ଜନ୍ମ ନିଅନ୍ତୁ । ଯେଉଁଠି ପ୍ରଥମେ ୨୦୧୯ରେ କରୋନାର ସୃଷ୍ଟି ହୋଇଥିଲା । ସେହିପରି ମନ୍ତ୍ରୀ ଶ୍ରୀ ସିଲାବଟ କେନ୍ଦ୍ରମନ୍ତ୍ରୀ ତଥା ସାଂସଦ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ସିଲାବଟଙ୍କର ଜଣେ ବିଶ୍ୱସ୍ତ ଭାବେ ପରିଗଣିତ କରାଯାଏ । ଜ୍ୟୋତିରାଦିତ୍ୟ ସିନ୍ଧିଆ ଗତ ମାର୍ଚ୍ଚ ୨୦୨୦ରେ କଂଗ୍ରେସରୁ ଇସ୍ତଫା ଦେଇଥିଲେ ।