ରତନ ଟାଟାଙ୍କୁ ଅଷ୍ଟ୍ରେଲିଆର ସର୍ବୋଚ୍ଚ ନାଗରିକ ସମ୍ମାନ

ଭାରତର ବିଶିଷ୍ଟ ଶୀଳ୍ପପତି ରତନ ଟାଟାଙ୍କୁ ମିଳିଛି ଅଷ୍ଟ୍ରେଲିଆର ସର୍ବୋଚ୍ଚ ନାଗରିକ ସମ୍ମାନ । ଅଷ୍ଟ୍ରେଲିଆ ରାଷ୍ଟ୍ରଦୂତ ବେରି ଓ ଫାରେଲ ଟାଟାଙ୍କୁ ‘ଅର୍ଡର ଅଫ୍ ଅଷ୍ଟ୍ରେଲିଆ’ ସମ୍ମାନ ପ୍ରଦାନ କରାଯାଇଥିବା କହିଛନ୍ତି । ଏହାସହ ଫାରେଲ କହିଛନ୍ତି, ରତନ ଟାଟାଙ୍କ ଅବାଦନ ଅଷ୍ଟ୍ରେଲିଆ ଉପରେ ଏକ ମହତ୍ତ୍ୱପୂର୍ଣ୍ଣ ପ୍ରଭାବ ପକାଇଛି । ଅଷ୍ଟ୍ରେଲିଆ-ଭାରତ ଦ୍ୱିପାକ୍ଷିକ ସମ୍ପର୍କ ବିଶେଷକରି ବାଣିଜ୍ୟ, ପୁଞ୍ଜି ବିନିଯୋଗ ଓ ସମାଜସେବା କ୍ଷେତ୍ରରେ ଅବଦାନ ପାଇଁ ରତନ ଟାଟାଙ୍କୁ ଅର୍ଡର୍ ଅଫ୍ ଅଷ୍ଟ୍ରେଲିଆର ଜେନେରାଲ ଡିଭିଜନରେ ସମ୍ମାନିତ ଅଧିକାରୀ ଭାବେ ନିଯୁକ୍ତ କରାଯାଇଛି । ଅଷ୍ଟ୍ରେଲୀୟ ରାଷ୍ଟ୍ରଦୂତ ବେରି ଓ ଫାରେଲ କହିଛନ୍ତି, ରତନ ଟାଟା କେବଳ ଭାରତର ଜଣେ ବରିଷ୍ଠ ଶିଳ୍ପପତି ନୁହଁନ୍ତି ଅଷ୍ଟ୍ରେଲିଆରେ ମଧ୍ୟ ତାଙ୍କର ଅବଦାନ ବହୁ ଗୁରୁତ୍ୱପୂର୍ଣ୍ଣ ।

ଅଷ୍ଟ୍ରେଲିଆ ଭାରତ ସମ୍ପର୍କ ପ୍ରତି ତାଙ୍କର ଦୀର୍ଘ ଦିନର ପ୍ରତିବଦ୍ଧତାକୁ ସ୍ୱୀକୃତି ଦେଇ ରତନ ଟାଟାଙ୍କୁ ଅର୍ଡର ଅଫ୍ ଅଷ୍ଟ୍ରେଲିଆ ସମ୍ମାନ ପ୍ରଦାନ କରିବା ଅତ୍ୟନ୍ତ ଆନନ୍ଦଦାୟକ । ଭାରତରେ ଅଷ୍ଟ୍ରେଲୀୟ ରାଷ୍ଟ୍ରଦୂତ ସେୟାର କରିଥିବା ଏହି ଫଟୋରେ ଟାଟା ସନ୍ସ ଚେୟାରମ୍ୟାନ ଏନ. ଚନ୍ଦ୍ରଶେଖରନ୍ ମଧ୍ୟ ନଜର ଆସିଛନ୍ତି । ଟାଟା ଗ୍ରୁପକୁ ଆକାଶର ଉଚ୍ଚତାକୁ ନେଇଥିବା ରତନ ଟାଟା ଦେଶର ସଫଳ ଶିଳ୍ପପତିଙ୍କ ମଧ୍ୟରୁ ଜଣେ । ତାଙ୍କର ସମ୍ପ୍ରତି ପ୍ରାୟ ୪ହଜାର କୋଟି ଟଙ୍କା ରହିଛି । ଗତମାସରେ ଆସିଥିବା ଆଇଆଇଏଫଏଲ ୱେଲଥ ହୁରୁନ୍ ଇଣ୍ଡିଆ ରିଚ୍ ଲିଷ୍ଟ୍‌-୨୦୨୨ରେ ରତନ ଟାଟା ଧନୀ ତାଲିକାରେ ୪୨୧ନମ୍ବର ସ୍ଥାନରେ ଥିଲେ ।