ମାଗଣାରେ ଫେରିପାଇଲେ Blue Tick

ଏଲନ ମସ୍କ ଟ୍ବିଟର କିଣିବା ପର ଠାରୁ ଅନେକ ନିୟମରେ ପରିବର୍ତ୍ତନ କରିଥିବା ବେଳେ ଏବେ ଗତ କିଛି ଦିନ ହେବ ବ୍ଲୁ ଟିକ୍‌ ସବସ୍କ୍ରିବସନକୁ ନେଇ ଚାରିଆଡେ ଚର୍ଚ୍ଚା ।

ଗତ ୨୦ ତାରିଖ ମଧ୍ୟ ରାତ୍ରିରେ ଟ୍ବିଟର ବିଶ୍ବର ଅନେକ ପ୍ରଭାବଶାଳୀ ଏବଂ ଚର୍ଚ୍ଚିତ ଚେହେରାଙ୍କ ଆକାଉଣ୍ଟରୁ ବ୍ଲୁ ଟିକ୍‌ ଛଡାଇ ନେଇଥିଲା । ଏମାନଙ୍କ ମଧ୍ୟରେ ବଲିଉଡ ବିଗବି ଅମିତା ବଚ୍ଚନଙ୍କ ଠାରୁ ଆରମ୍ଭ କରି କ୍ରିକେଟର ସଚ୍ଚିନ ତେନ୍ଦୁଲକର, ସିଏମ ଯୋଗୀ ଆଦିତ୍ୟନାଥଙ୍କଠୁ ରାହୁଲ ଗାନ୍ଧୀଙ୍କ ପର୍ଯ୍ୟନ୍ତ ସମସ୍ତଙ୍କ ଆକାଉଣ୍ଟରୁ ବ୍ଲୁ ଟିକ ହଟାଇଥିଲା ଟ୍ବିଟର । ତେବେ ଏହାରି ଭିତରେ କିଛି ବ୍ୟକ୍ତିବିଶେଷ ବା ପ୍ରତିଷ୍ଠାନ ପଇସା ଦେଇ ନିଜର ବ୍ଲୁଟିକ ପାଇଥିବା ବେଳେ ଅନ୍ୟ କିଛି ଜଣ ପଇସା ନଦେଇ ମଧ୍ୟ ବ୍ଲୁ ଟିକ୍‌ ପାଇଛନ୍ତି ।

ମାଗଣାରେ ଆକାଉଣ୍ଟକୁ ବ୍ଲୁ ଟିକ୍‌ ମିଳିଥିବା ନେଇ ଏବେ ଚାରିଆଡେ ଚର୍ଚ୍ଚା ହେଉଛି କିନ୍ତୁ ପୁଣିଥରେ ବିଶ୍ବର ବହୁ ପ୍ରଭାବଶାଳୀ ନେତା ତଥା ସେଲିବ୍ରିଟିଙ୍କ ଟ୍ବିଟର ପ୍ରୋଫାଇଲରେ ପୁଣିଥରେ ରିଷ୍ଟୋର ହୋଇଛି ବ୍ଲୁଟିକ , ଏନେଇ ଅନେକ ଟୁଇଟ କରି ଜଣାଇଛନ୍ତି ।

ବଲିଉଡ ତାରକା ଶାହରୁଖ ଖାନ, କ୍ରିକେଟର ବିରାଟ କୋହଲି, ସଚିନ ତେନ୍ଦୁଲକର ଏବଂ ହାସ୍ୟ ଅଭିନେତା ବିର୍ ଦାସଙ୍କ ସମେତ ଅନେକ ଲୋକପ୍ରିୟ ବ୍ୟକ୍ତିତ୍ୱ ସେମାନଙ୍କ ବ୍ଲୁ ଟିକ୍ ଫେରିପାଇଛନ୍ତି ।

ଫେବୃଆରୀ 8 ରେ ଭାରତରେ ଟ୍ୱିଟର ବ୍ଲୁ ସବସ୍କ୍ରପସନ ଲଞ୍ଚ କରାଯାଇଥିଲା । ବ୍ଲୁ ଟିକ୍‌ ପାଇବାକୁ ହେଲେ ଓ୍ବେବ ୟୁଜର୍ସଙ୍କ ପାଇଁ ମାସିକ ୬୬୬ ଟଙ୍କା ଏବଂ ଫୋନ ୟୁଜର୍ସଙ୍କ ପାଇଁ ୯୦୨ ଧାର୍ଯ୍ୟ କରିଛି ଟ୍ବିଟର ।