ବେଦାନ୍ତ ଫେକରରେ ପୋଡିଯାଇଥିବା ଶ୍ରମିକର ମୃତ୍ୟୁ

ଗତ ୧୧ ତାରିଖରେ ଭଦ୍ରକ ରାନ୍ଦିଆସ୍ଥିତ ଫେକର କମ୍ପାନୀ ଫର୍ଣ୍ଣେସରେ ପୋଡ଼ିଯାଇ ଜଣେ ଶ୍ରମିକ ଗୁରୁତର ହୋଇଥିଲେ | ତାଙ୍କୁ ଗୁରୁତର ଅବସ୍ଥାରେ ମୁମ୍ବାଇସ୍ଥିତ ନ୍ୟାସନାଲ ବର୍ଣ୍ଣ ସେଣ୍ଟରରେ ଚିକିତ୍ସାଧୀନ କରାଯାଉଥିଲା | ଶ୍ରମିକ ଜଣକ ବରପଦାର ବିଜୟ ମହାପାତ୍ର | ତାଙ୍କର ଚିକିତ୍ସାଧୀନ ଅବସ୍ଥାରେ ଶୁକ୍ରବାର ରାତିରେ ମୃତ୍ୟୁ ଘଟିଛି। ପୂର୍ବରୁ ଅନ୍ୟ ଗୁରୁତର ରାନ୍ଦିଆ କୋରାନ୍ଟ ଗ୍ରାମର ରତିକାନ୍ତ ସୁତାରଙ୍କ ମୃତ୍ୟୁ ହୋଇଥିଲା। ସୂଚନା, ଗତ ୧୧ ତାରିଖରେ କମ୍ପାନୀ ଫର୍ଣ୍ଣେସ ଚାର୍ଜିଙ୍ଗ ବେଳେ ଉକ୍ତ ଦୁଇଜଣ ନିଆଁରେ ପୋଡି ହୋଇ ଗୁରୁତର ହୋଇଥିଲେ। ସେମାନଙ୍କୁ ପ୍ରଥମେ ଭଦ୍ରକ ଓ ପରେ ଭୁବନେଶ୍ୱରର ଏକ ଘରୋଇ ହସ୍ପିଟାଲକୁ ନିଆଯାଇଥିଲା। ପରେ ଗ୍ରୀନ କରିଡର ମଧ୍ୟରେ ବିମାନ ବନ୍ଦର ନିଆଯାଇ ଏୟାର ଲିଫ୍ଟରେ ମୁମ୍ବାଇ ନିଆଯାଇଥିଲା। ସ୍ଥାନୀୟ ଅଞ୍ଚଳରେ ଏହି ଘଟଣାକୁ ନେଇ ଉତ୍ତେଜନା ଲାଗି ରହିଥିବାରୁ କମ୍ପାନୀ ଗେଟ୍‌ ଆଗରେ ପୋଲିସ ମୁତୟନ ରହିଛନ୍ତି।