ଅଯୋଧ୍ୟାରେ ଭୀଷଣ ସଡକ ଦୁର୍ଘଟଣା: ଟ୍ରକ୍‌-ବସ୍ ମୁହାଁମୁହିଁ , ୭ ମୃତ

ଉତ୍ତରପ୍ରଦେଶର ଅଯୋଧ୍ୟାରେ ଘଟିଯାଇଥିବା ଭୀଷଣ ସଡ଼କ ଦୁର୍ଘଟଣାରେ ୭ଜଣଙ୍କର ମୃତ୍ୟୁ ଘଟିଯାଇଛି । ଲକ୍ଷ୍ନୌ-ଗୋରଖପୁର ରାଜମାର୍ଗସ୍ଥିତ ଆମ୍ବେଦକର ନଗରରୁ ଯାଉଥିବା ଏକ ବସ୍ ଟ୍ରକ ସହ ମୁହାଁମୁହିଁ ହୋଇଥିଲା, ଏଥିରେ ୪୦ରୁ ଉର୍ଦ୍ଧ୍ୱ ଲୋକ ଗଭୀର ଆହତ ହୋଇ ଚିକିତ୍ସିତ ହେଉଛନ୍ତି । ପୁଲିସ ଏବଂ ପ୍ରଶାସନର ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ପୁଲିସ୍ ସୂଚନା ମୁତାବକ, ବସ୍‌-ଟ୍ରକ ସାମ୍ନାସାମ୍ନି ଦୁର୍ଘଟଣା ଫଳରେ ଟ୍ରକ୍ ଓଲଟି ବସ୍ ଉପରେ ପଡ଼ିଯିବାରୁ ଏତେ ସଂଖ୍ୟକ ଲୋକଙ୍କର ପ୍ରାଣ ଚାଲିଯାଇଛି, ଅଯୋଧ୍ୟା ମୁଖ୍ୟ ଚିକିତ୍ସାଧିକାରୀ ଡ. ଅଜୟ ରାଜାଙ୍କ କହିବା ମୁତାବକ, ସଡ଼କ ଦୁର୍ଘଟଣାରେ ୭ ଜଣଙ୍କର ଏପର୍ଯ୍ୟନ୍ତ ପ୍ରାଣ ଚାଲିଯାଇଥିବାବେଳେ ୪୦ରୁ ଉର୍ଦ୍ଧ୍ୱ ଏବେବି ସଂକଟାପନ୍ନ ଅବସ୍ଥାରେ ଅଛନ୍ତି ।
ସୂଚନା ଅନୁସାରେ, ଦୁର୍ଘଟଣା ପରେ ସଂଗେ ସଂଗେ ୧୨ ରୁ ଅଧିକ ସଂଖ୍ୟକ ଆମ୍ବୁଲାନ୍ସ ଯୋଗେ ଜିଲ୍ଲା ଚିକିତ୍ସାଳୟ ଏବଂ ମେଡିକାଲ କଲେଜକୁ ଆହତଙ୍କୁ ପଠାଯାଇସାରିଛି ।