ଆଜି ଇଦ ଉଲ ଫିତର: ଚଳଚଞ୍ଚଳ ମସଜିଦ୍

ଆଜି ମୁସଲମାନ ସମ୍ପ୍ରଦାୟଙ୍କ ସବୁଠୁ ବଡ଼ ପର୍ବ ପବିତ୍ର ଇଦ । ଖାସ୍ ଏଥିପାଇଁ ରାଜ୍ୟ ତଥା ଦେଶର ସବୁ ମସଜିଦ୍ ଓ ଇଦଗା ମୈଦାନ ଚଳଚଞ୍ଚଳ ହୋଇଉଠିଛି । ସକାଳୁ ସକାଳୁ ସମୂହ ନମାଜ ପ୍ଧଙ୍ଖ ପାଇଁ ବିଭିନ୍ନ ମସଜିଦ୍‌ରେ ପ୍ରବଳ ଭିଡ଼ ଜମିଛି । ସମୂହ ନମାଜ ପାଠ ପରେ ପରସ୍ପରକୁ ଇଦ୍ ମୁବାରକ୍ ଜଣାଇବେ ସଭିଁଏ । ଏହାପରେ ଘରେ ଘରେ ସୁସ୍ୱାଦୁ ବ୍ୟଞ୍ଜନ ସାଙ୍ଗକୁ ମଉଜର ଜମିବ ଆସର । ସେ ଯେତେ ଗରିବ ହୋଇଥାଆନ୍ତୁ ଅବା ଧନୀ ସମସ୍ତେ ନୂଆ ବସ୍ତ୍ର ପରିଧାନ କରି ପରସ୍ପରକୁ କୋଳାଗ୍ରତ କରିବା ସହ ଉତ୍ସବ ମନାଉଛନ୍ତି । ଆଜିର ଦିନକୁ ଇସଲାମ ଧର୍ମରେ ବଳିଦାନର ଦିନ ବୋଲି କୁହାଯାଏ । ଇସଲାମ ଧର୍ମାବଲମ୍ବୀମାନେ ଏହି ପର୍ବରେ ଆଲ୍ଲାଙ୍କୁ କୃତଜ୍ଞତା ଜ୍ଞାପନ ସହ ଭୋଜିଭାତ ଓ ଅନେକ ସୁସ୍ୱାଦୁ ଭୋଜନର ମଜା ନେଇଥାଆନ୍ତି । ଏହାଛଡ଼ା ନୂଆ ପୋଷାକ, ସାଙ୍ଗସାଥୀ, ଜ୍ଞାତି-କୁଟୁମ୍ବଙ୍‌କ ଭିତରେ ଉପହାରର ଆଦାନ ପ୍ରଦାନ କରିଥାଆନ୍ତି । ଏହିଦିନ କଳିତକରାଳ, ବିଶେଷକରି ପାରିବାରିକ ଝଗଡାକୁ ମେଣ୍ଟାଇବାକୁ ଚେଷ୍ଟା କରିଥାଆନ୍ତି ।