ପରକୀୟା ପ୍ରୀତି ସନ୍ଦେହ: ପତ୍ନୀହନ୍ତା ସ୍ୱାମୀକୁ ଆଜୀବନ କାରାଦଣ୍ଡ

୨୦୧୯ ମସିହାରେ କଳାହାଣ୍ଡି ଜିଲ୍ଲା ଜୟପାଟଣା ଥାନା ଅନ୍ତର୍ଗତ କୁହୁରିଗୁମା ଗାଁରେ ଘଟିଯାଇଥିଲା ଏକ ନିର୍ମମ ହତ୍ୟାକାଣ୍ଡ | ସେହି ଗାଁର ଅଗସ୍ତି ମାଝୀ ନିଜ ପତ୍ନୀର ଚରିତ୍ରକୁ ସନ୍ଦେହ କରି ତାକୁ ଟାଙ୍ଗିଆରେ ହାଣି ହତ୍ୟା କରିବା ଘଟଣା ସ୍ଥାନୀୟ ଅଂଚଳରେ ଚାଞ୍ଚଲ୍ୟ ସୃଷ୍ଟି କରିଥିଲା । ଏ ଘଟଣା ପରେ ସେତେବେଳେ ଅଭିଯୁକ୍ତ ଅଗସ୍ତି ମାଝୀକୁ ଜୟପାଟଣା ପୁଲିସ ଥାନା କେଶ ନମ୍ବର ୧୭୧ ତା ୩୦.୦୬.୨୦୧୯ ରେ ଏକ ହତ୍ୟା ମାମଲା ରୁଜୁ କରି ଗିରଫ ସହ କୋର୍ଟ ଚାଲାଣ କରିଥିଲ । ଆଇପିସିର ଦଫା ୩୦୨ ରେ ମାମଲାର ଶୁଣାଣୀ କରି ସମସ୍ତ ସାକ୍ଷ୍ୟ ପ୍ରମାଣ ଆଧାରରେ ଆଜି ମାନ୍ୟବର ଧର୍ମଗଡ ଅତିରିକ୍ତ ଜିଲ୍ଲା ଦୌରା ଜଜ୍‌ ବନ୍ଦନା କର ଅଭିଯୁକ୍ତ ଅଗସ୍ତି ମାଝୀକୁ ଆଜୀବନ କାରାଦଣ୍ଡାଦେଶ ସହ ୧୦ ହଜାର ଟଙ୍କା ଅର୍ଥ ଦଣ୍ଡାଦେଶ ପାଇଁ ରାୟ ପ୍ରକାଶ କରିଛନ୍ତି ।