ଗାଈ ଦ୍ୱାରା ରେସ୍ତୋରାଁ ଉଦଘାଟନ

ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଏକ ଗାଈ ଦ୍ୱାରା ରେସ୍ତୋରାଁ ଉଦଘାଟନ କରାଯାଇଛି । ରେସ୍ତୋରାଁ ମାଲିକ ମନ୍ତ୍ର ଓ ଶଙ୍ଖଧ୍ୱନୀ ସହ ଗାଈ ଦ୍ୱାରା ତାଙ୍କ ପ୍ରତିଷ୍ଠାନର ଉଦଘାଟନ କରିଥିଲେ । ଏହି ଉଦଘାଟନ ଉତ୍ସବରେ ସାମିଲ ହୋଇଥିବା ଲୋକେ କରତାଳି ଦେଇ ଏହାକୁ ସ୍ୱାଗତ କରିଥିଲେ । କିଛି ସମୟ ପୂର୍ବରୁ ଗାଈଟି ଏକ ଭିଆଇପି ବେଶରେ ରେସ୍ତେରାଁରେ ପହଞ୍ଚିଥିଲା । ସ୍ୱତନ୍ତ୍ର ଭାବେ ଉଦଘାଟନ ହୋଇଥିବା ଏହି ରେସ୍ତୋରାଁର ଜଳଖିଆ ଠାରୁ ଆରମ୍ଭ କରି ରାତିଭୋଜନ ଖାଇପାରିବେ ଗ୍ରାହକ । ଏଠାରେ ସମସ୍ତ ଖାଦ୍ୟ ଜୈବିକ କୃଷି ଉତ୍ପାଦନରୁ ଉତ୍ପାଦିତ ପନିପରିବା ଓ ଖାଦ୍ୟଶସ୍ୟରୁ ପ୍ରସ୍ତୁତ ହେବ ।

ଜୈବିକ ଚାଷ ପ୍ରଣାଲୀ ପରିବେଶ ଉପରେ ପ୍ରତିକୂଳ ପ୍ରଭାବ ନ ପକାଇ ରୋଗ ପୋକ ନିୟନ୍ତ୍ରଣ କରିଥାଏ । ନିଜ ଜମିରେ ଓ ପରିବେଶରେ ଉପଲବ୍ଧ ସାଧନକୁ ବ୍ୟବହାର କରି ଏହି ପ୍ରକ୍ରିୟା କରାଯାଉଥିବାରୁ ଚାଷୀର ବ୍ୟୟଭାର ବି କମିଥାଏ । ଉକ୍ତ ରେସ୍ତୋରାଁ ମାଲିକ ଶୈଳେନ୍ଦ୍ର ସିଂ ଜଣେ ପୂର୍ବତନ ଡେପୁଟି ଏସପି ରହିଛନ୍ତି । ଶୈଳେନ୍ଦ୍ର ସିଂ କହିଛନ୍ତି, ଏହା ହେଉଛି ଲକ୍ଷେ୍ମøର ପ୍ରଥମ ଅର୍ଗାନିକ ରେସ୍ତୋରାଁ । ହେଲେ ଲୋକେ ମୋତେ ପଚାରୁଛନ୍ତି ମୁଁ ଏହି ରେସ୍ତୋରାଁକୁ ଗାଈ ଦ୍ୱାରା କାହିଁକି ଉଦଘାଟନ କଲି? କାହିଁକି ନା ଆମର କୃଷି ଓ ଅର୍ଥ ବ୍ୟବସ୍ଥା ଗାଈ ଉପରେ ନିର୍ଭର କରିଥାଏ । ତେଣୁ ସେ ଗାଈ ଦ୍ୱାରା ତାଙ୍କ ରେସ୍ତୋରାଁ ଉଦଘାଟନ କରିବାକୁ ସ୍ଥିର କରିଥିଲେ । ଆଜି ଏହାକୁ କାମରେ କରି ଦେଖାଇଛନ୍ତି ରେସ୍ତୋରାଁ ମାଲିକ । ଏହା ନିଶ୍ଚୟ ତାଙ୍କୁ ଶୁଭ ଫଳ ଦେବ ବୋଲି ମଧ୍ୟ ସେ କହିଛନ୍ତି ।