ଅତିକ ଓ ଅସରଫଙ୍କ ନାଁରେ ଲାଗିଲା ସହିଦ ପୋଷ୍ଟର

ଉତ୍ତରପ୍ରଦେଶର କୁଖ୍ୟାତ ମାଫିଆ ଅତିକ୍ ଅହମ୍ମଦ ଓ ତାଙ୍କ ଭାଇ ଅସରଫ୍‌ଙ୍କ ସମର୍ଥନରେ ମହାରାଷ୍ଟ୍ରରେ ଲାଗିଛି ପୋଷ୍ଟର । ଏହି ପୋଷ୍ଟରଟିରେ ଉଭୟଙ୍କୁ ଶହୀଦ ବୋଲି ମଧ୍ୟ କୁହାଯାଇଛି । ଅତିକ୍ ଓ ଅସରଫଙ୍କୁ ପୋଷ୍ଟର ମାଧ୍ୟମରେ ସହିଦ ଘୋଷଣା କରାଯିବା ପରେ ଉତ୍ତେଜନା ପ୍ରକାଶ ପାଇଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିବା ସହ ଖୋଳତାଡ଼ ଆରମ୍ଭ କରିଛି । ମାମଲାରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବା କରିବା ସହ ୩ଜଣ ଅଭିଯୁକ୍ତଙ୍କୁ ଗିରଫ କରିଛି ।

ଅଭିଯୁକ୍ତମାନଙ୍କ ବିରୋଧରେ ବିଭିନ୍ନ ମାମଲା ମଧ୍ୟ ରୁଜୁ ହୋଇଛି । ପୋଲିସ ଅଭିଯୁକ୍ତଙ୍କ ବିରୋଧରେ ଆଇପିସିର ଧାରା ୨୯୩, ୨୯୪ ଏବଂ ୧୫୩ ଅନୁଯାୟୀ ମାମଲା ମଧ୍ୟ ରୁଜୁ କରିଛି । ବିଶ୍ୱ ହିନ୍ଦୁ ପରିଷଦ ନେତାଙ୍କ ଅଭିଯୋଗ ଆଧାରରେ ଏହି ପୋଲିସ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଏଠାରେ ଆମେ କହି ରଖିବାକୁ ଚାହୁଁଛୁ, ମହାରାଷ୍ଟ୍ରର ବିଡ୍‌ରେ ଅତିକ୍ ଓ ଅସରଫଙ୍କ ସମର୍ଥନରେ ଏହି ପୋଷ୍ଟର ଲଗାଯାଇଥିଲା । ମାଜଲାଗାଁରେ ଲାଗିଥିବା ଏହି ପୋଷ୍ଟରରେ ଉଭୟ ଭାଇଙ୍କୁ ଶହୀଦ ବୋଲି ମଧ୍ୟ ଦର୍ଶାଯାଇଥିଲା । ତେବେ ପୋଷ୍ଟର ସମ୍ପର୍କରେ ସୂଚନା ପାଇବା କ୍ଷଣି ପୋଲିସ ପହଞ୍ଚି ସେଗୁଡିକୁ ସେଠାରୁ ହଟାଇ ଦେଇଛି ।