ସାମସନଙ୍କ ସୁଇଟ୍ ବଦଲା,ହାରିଲା ଟାଇଟନ୍ସ

ଆଇପିଏଲର ୨୩ ତମ ମୁକାବିଲା ରେ ରାଜସ୍ଥାନ ରୟାଲ୍ସ ଗୁଜରାଟ ଟାଇଟନ୍ସ କୁ ପରାସ୍ତ କରିଛି ,ଏହାସହ ଗତ ଆଇପିଏଲରେ ଯେଉଁ ଷ୍ଟାଡିୟମରେ ଫାଇନାଲ ମ୍ୟାଚ ହାରିଥିଲା ,ସେଇ ଷ୍ଟାଡିୟମରେ ଟାଇଟନ୍ସ କୁ ଚକମା ଦେଇଛି ।

ଗୁଜରାଟକୁ 3 ୱିକେଟରେ ହରାଇଛି ରାଜସ୍ଥାନ । ପ୍ରଥମେ ବ୍ୟାଟିଂ କରି 177 ରନ କରିଥିଲା ଗୁଜରାଟ । ଜବାବରେ ରାଜସ୍ଥାନ 19.3 ବଲରେ ବିଜୟ ହାସଲ କରିଛି ।ଗୋଟିଏ ସମୟରେ ରାଜସ୍ଥାନ ଲଗାତାର ଓ୍ଵିକେଟ ହରାଇ ସଂକଟରେ ପଡିଥିଲା ,ହେଲେ ସାମସନ ଓ ହିଟ ମେୟର ଙ୍କ ଦମଦାର ପାରି ବଳରେ ଏହି ମ୍ୟାଚ କୁ ଜିତି ନେଇଛି ରୟାଲ୍ସ। ଏହାସସ ପଏଣ୍ଟ ଟେବୁଲର ଟପ୍ପର ହୋଇଛି ରାଜସ୍ଥାନ ।

ପ୍ରଥମେ ଟସ ଜିତି ଗୁଜରାଟକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲେ ରାଜସ୍ଥାନ ଅଧିନାୟକ ସଞ୍ଜୁ ସାମସନ । ତେବେ ପ୍ରଥମ ଓଭରରୁ ହିଁ ୱିକେଟ ହରାଇବା ଆରମ୍ଭ କରିଥିଲା ଗୁଜରାଟ । ରିଦ୍ଧିମାନ ଶାହା 4 ରନ କରି ଆଉଟ ହୋଇଥିଲେ । ଏହାପରେ ସାଇ ସୁଦର୍ଶନ 20 ରନ କରି ପାଭିଲିୟନ ଫେରିଥିବା ବେଳେ 28 ରନ କରି ଆଉଟ ହୋଇଥିଲେ ଅଧିନାୟକ ହାର୍ଦ୍ଦିକ ପାଣ୍ଡ୍ୟା । ସେପଟେ ଯୁବ ବ୍ୟାଟର ଶୁଭମନ ଗିଲ ପାଳିକୁ ସମ୍ଭାଳିଥିଲେ । ଏଥିରେ ତାଙ୍କର ଭରପୁର ସାଥ ଦେଇଥିଲେ ଡେଭିଡ ମିଲର । ଗିଲ 34 ବଲରୁ 45 ରନ କରିଥିବା ବେଳେ ମିଲର 30ଟି ବଲରୁ ଦୃତ 46 ରନ କରିଥିଲେ । ଶେଷ ବେଳକୁ ଅଭିନବ ମନୋହର 13 ବଲରୁ 27 ରନ କରି ଦଳୀୟ ସ୍କୋରକୁ 177 ରନରେ ପହଞ୍ଚାଇଥିଲେ ।

178 ରନର ପିଛା କରିବାକୁ ଆସି ରାଜସ୍ଥାନର ଟପ ଅର୍ଡର ଫେଲ ମାରିଥିଲା । ଏହାରି ମଧ୍ୟରେ ଦେବଦତ୍ତ ପାଡିକଲ ରକ୍ଷଣାତ୍ମକ ପାଳି ଖେଳି ସ୍କୋର ବୋର୍ଡକୁ ଗତି ଦେଇଥିଲେ । 26 ରନ କରି ପାଡିକଲ ଆଉଟ ହେବାପରେ ମୈଦାନକୁ ଓହ୍ଲାଇଥିଲେ ଅଧିନାୟକ ସଞ୍ଜୁ ସାମସନ । ସେ 6ଟି ଛକା ଓ 3ଟି ଚୌକା ବଳରେ ଦୃତ 60 ରନ କରିଥିଲେ । ଏହାରି ମଧ୍ୟରେ ରିୟାନ ପରାଗ ମାତ୍ର 5 ରନ କରି ପାଭିଲିୟନ ଫେରିଥିଲେ । ସିମ୍ରନ ହେଟମେୟାରଙ୍କ ପାଳି ଦଳ ପାଇଁ ସଞ୍ଜିବନୀ ସାବ୍ୟସ୍ତ ହୋଇଥିଲା । 26ଟି ବଲରେ ସେ 56 ରନ କରି ଦଳକୁ ବିଜୟ ଦେଇଛନ୍ତି ।