ଡେଟ୍ କରୁଛନ୍ତି ସଲମାନ-ପୂଜା

ବଲିଉଡ ଫିଲ୍ମ କିସି କା ଭାଇ କିସି କି ଜାନକୁ ନେଇ ସବୁଠି ଚର୍ଚ୍ଚା ହେଉଛି । ଏହାରି ମଧ୍ୟରେ ସଲମାନ ଓ ପୂଜା ହେଗଡେଙ୍କ ରିଲେସନ୍‌ସିପ୍‌କୁ ନେଇ ଆସୁଛି ଗୋଟିଏ ପରେ ଗୋଟିଏ ଅପଡେଟ୍ । ଚର୍ଚ୍ଚା ହେଉଛି ପୂଜା ଓ ସଲମାନ ପରସ୍ପରକୁ ଡେଟ୍ କରୁଛନ୍ତି । ଏହାରି ମଧ୍ୟରେ ଡେଟ୍ ସମ୍ପର୍କରେ ମୁହଁ ଖୋଲିଛନ୍ତି ଆକ୍ଟ୍ରେସ ପୂଜା ହେଗଡେ ।

ସୂଚନାନୁସାରେ କିଛିଦିନ ହେବ ବଲିଉଡ ସୁପରଷ୍ଟାର ସଲମାନ ଖାନ ଓ ଅଭିନେତ୍ରୀ ପୂଜା ହେଗଡେ ପରସ୍ପରକୁ ଡେଟ୍ କରୁଥିବା ଚର୍ଚ୍ଚା ହେଉଛି । କିଛିମାସ ପୂର୍ବରୁ ସଲମାନ ପୂଜାଙ୍କ ଭାଇଙ୍କ ବିବାହରେ ଯୋଗ ଦେଇଥିଲେ । ସେହି ସମୟରେ ଉଭୟ ସଲମାନ ଓ ପୂଜାଙ୍କ ଫଟୋ ମଧ୍ୟ ବେଶ ଭାଇରାଲ ହୋଇଥିଲା । କିନ୍ତୁ ବର୍ତ୍ତମାନ ଏକ ଇଣ୍ଟରଭିୟ୍ୟୁରେ ପୂଜାଙ୍କୁ ସଲମାନ ଓ ତାଙ୍କ ରିଲେସନସିପ୍ ସମ୍ପର୍କରେ ପ୍ରଶ୍ନ କରାଯାଇଥିଲା । ଉତ୍ତରରେ ପୂଜା କହିଛନ୍ତି ଏ ବିଷୟରେ କଣ କହିବି ? ଏହି ଖବର ସଂପୂର୍ଣ୍ଣ ଗୁଜବ ଅଟେ । ପୂଜା ଆହୁରି ମଧ୍ୟ କହିଛନ୍ତି ସେ ସିଙ୍ଗିଲ୍ ଅଛନ୍ତି, ତାଙ୍କୁ ଏକୁଟିଆ ରହିବା ପାଇଁ ଭଲ ଲାଗିଥାଏ । ଏହାଛଡା ସେ ଆହୁ୍‌ରି ମଧ୍ୟ କହିଛନ୍ତି ବର୍ତ୍ତମାନ କେବଳ ନିଜ କ୍ୟାରିୟର ଉପରେ ଫୋକସ କରୁଛନ୍ତି ।

ସୂଚନାଯୋଗ୍ୟ ସଲମାନଙ୍କ ଅପକମିଙ୍ଗ ଫିଲ୍ମ କିସି କା ଭାଇ କିସି କି ଜାନରେ ପୂଜା ସଲମାନଙ୍କ ବିପକ୍ଷରେ ଲିଡ୍ ରୋଲରେ ନଜର ଆସିବେ । ଏମାନଙ୍କ ବ୍ୟତୀତ ଫିଲ୍ମରେ ଶେହନାଜ ଗିଲ୍‌, ରାଘବ ଜୁଏଲ, ପଲକ ତିୱାରୀ, ସିଦ୍ଧାର୍ଥ ନିଗମ ପ୍ରମୁଖ ନିଜର ଆସିବେ । ବର୍ତ୍ତମାନ ପୁରା ଟିମ୍ ଫିଲ୍ମର ପ୍ରମୋସନରେ ବ୍ୟସ୍ତ ଥିବା ବେଳେ, ଏପ୍ରିଲ ୨୧ ତାରିଖରେ ଫିଲ୍ମ ରିଲିଜ ପାଇଁ ଲକ୍ଷ୍ୟ ରଖାଯାଇଛି ।